អ្នកតាមដានសង្គ្រាមរាយការណ៍ថា យន្តហោះចម្បាំងរបស់រុស្ស៊ីវាយប្រហារកំណត់គោលដៅលើក្រុមឧទ្ទាមដែលមានទំនាក់ទំនងជាមួយក្រុមឧទ្ទាមអាល់កៃដា(al-Qaida)នៅក្នុងខេត្តអ៊ីដលីបភាគពាយ័ព្យប្រទេសស៊ីរីនៅថ្ងៃអង្គារ ទី១៥ ខែកញ្ញា។
ក្រុមអ្នកឃ្លាំមើលសិទ្ធិមនុស្សស៊ីរីបានឲ្យដឹងថា យន្តហោះចម្បាំងរបស់រុស្ស៊ីវាយប្រហារកំណត់គោលដៅទៅលើជំរុំបណ្តុះបណ្តាល Hayat Tahrir al-Sham (HTS) ដែលជាក្រុមឆ័ត្ររបស់រណសិរ្ស Nusra Front មានទំនាក់ទំនងជាមួយក្រុម al-Qaida នៅភាគខាងជើងខេត្តអ៊ីដលីប។ ការវាយប្រហារតាមអាកាសធ្វើឱ្យសមាជិក HTS ជាច្រើននាក់រងរបួស។
ខេត្តអ៊ីដលីបបានក្លាយជាបន្ទាយរឹងមាំចុងក្រោយរបស់ឧទ្ទាមនៅក្នុងប្រទេសស៊ីរី។ HTS គឺជាក្រុមឧទ្ទាមដែលមានឥទ្ធិពលខ្លាំងបំផុតនៅក្នុងខេត្តអ៊ីដលីប(Idlib)។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៥ ខែកញ្ញា ឆ្នាំ២០២០
