នៅថ្ងៃទី២០ ម្សិលមិញនេះ ក្រុមតាលីបង់បានប៉ះទង្គិចគ្នាជាមួយកងកម្លាំងសន្តិសុខបណ្តាឡឲ្យមេបញ្ជាការដ៏សំខាន់មួយរូបរបស់ក្រុមតាលីបង់ស្លាប់។
លោក Zabihullah Amani អ្នកនាំពាក្យរដ្ឋាភិបាលខេត្តមានប្រសាសន៍ថា មេបញ្ជាការសំខាន់របស់ក្រុមតាលីបង់ ដែលគេស្គាល់ថា លោកMullah Abdullah ស្លាប់នៅក្នុងការប៉ះទង្គិចគ្នាជាមួយកងកម្លាំងន្តិសុខនៅភាគខាងជើងខេត្ត Sari Pul នៅថ្ងៃអាទិត្យ ទី២០ ។ លោក Amani ប្រាប់បណ្តាញសារព័ត៌មានថា៖ “មេបញ្ជាការសំខាន់របស់ក្រុមតាលីបង់លោក Mullah Abdullah ដែលមានកេរ្តិ៍ឈ្មោះដោយសារអំពើឃោរឃៅរបស់គាត់បានបាត់បង់ជីវិតនៅក្នុងការប៉ះទង្គិចគ្នាជាមួយកងកម្លាំងរដ្ឋាភិបាលនៅក្នុងតំបន់ Khamarabad នៅខាងក្រៅរដ្ឋធានីខេត្ត Sari Pul នៅព្រឹកថ្ងៃនេះ។ ”
ដោយធ្វើការរៀបរាប់ថា លោក Mullah Abdullah ជាមេបញ្ជាការដ៏មានឥទ្ធិពលម្នាក់នៅក្នុងខេត្ត Sari Pul មន្ត្រីបានបន្ថែមថា មរណភាពរបស់លោក Abdullah អាចបង្កការប៉ះទង្គិចយ៉ាងខ្លាំងដល់យុទ្ធជនតាលីបង់នៅខេត្ត Sari Pul និងតំបន់ក្បែរនោះ។
ក្រុមតាលីបង់មិនទាន់ធ្វើអត្ថាធិប្បាយណាមួយនៅឡើយទេ។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២០ ខែកញ្ញា ឆ្នាំ២០២០
