យោងតាមក្រុមប៉ូលិស Mossos d’Esquadra បានឱ្យដឹងថា បុរស២នាក់ជាប់ការសង្ស័យអំពីការផ្សព្វផ្សាយអំពាវនាវឱ្យមានសង្គ្រាមពូជសាសន៍ និងការញុះញង់ឱ្យមានអំពើភេរវកម្ម ត្រូវឃុំខ្លួននៅតំបន់ Catalonia របស់អេស្ប៉ាញ និងសហគមន៍ស្វយ័ត Valencia នេះបើយោងតាមប៉ូលិសតំបន់ Catalan។
កម្លាំងប៉ូលិសបាននិយាយនៅក្នុងសេចក្តីថ្លែងការណ៍មួយថា ទាំង២នាក់ គឺជាជនជាតិអេស្ប៉ាញ ហើយម្នាក់ក្នុងចំនោមពួកគេក៏មានសញ្ជាតិអាមេរិកដែរ។ ពួកគេត្រូវបានឃុំខ្លួននៅថ្ងៃទី១១ ខែកញ្ញានៅតំបន់ Catalan ក្នុងទីក្រុង Lleida និងទីក្រុង Alicante’s Valencia និងត្រូវរងការចោទប្រកាន់ពីបទបង្កការស្អប់ខ្ពើមចំពោះជនបរទេស និងលើកតម្កើងភេរវកម្មនៅលើហេតុផលពូជសាសន៍នៅលើប្រព័ន្ធផ្សព្វផ្សាយសង្គម ។
សេចក្តីថ្លែងការណ៍និយាយថា “ពួកគេក៏បានផុសសរសើរភេរវករដូចជាលោក Brenton Tarrant ដែលបានប្រព្រឹត្តអំពើឃាតកម្ម ដែលជំរុញទឹកចិត្តមនុស្សដែលមានចំនួន៥១នាក់ នៅក្នុងទីក្រុងChristchurch ប្រទេសនូវែលហ្សេឡង់ និងញុះញង់ឱ្យមានការវាយប្រហារស្រដៀងគ្នា”។
អ្នកជាប់ឃុំបានលើកកម្ពស់គំនិតបង្កើតឃុំស នៅតំបន់ជនបទដាច់ស្រយាល យោងទៅតាមគំនិតរបស់ពួកគេ ដែលត្រូវគេសន្មត់ថាគឺដើម្បីបង្កើតស្តុកអាវុធ និងរៀបចំសម្រាប់សង្គ្រាមពូជសាសន៍។ ក្រោយពេលឃុំខ្លួន បុរសទាំងនោះបានផ្តល់សក្ខីកម្មនៅចំពោះមុខចៅក្រម ដែលបានសំរេចចិត្តដោះលែងពួកគេរហូតដល់ការត្រួតពិនិត្យឡើងវិញនូវគុណសម្បត្តិ នៅក្នុងករណីនេះ។ លិខិតឆ្លងដែនរបស់ពួកគេត្រូវបានរឹបអូស ហើយពួកគេតម្រូវឱ្យរាយការណ៍ទៅប៉ូលិសរៀងរាល់ ១៥ថ្ងៃម្តង៕
អ្នកប្រែសម្រួល៖ ឱក សុវណ្ណារ័ត្ន
ប្រភពព័ត៌មានពី Sputnik News ចេញផ្សាយថ្ងៃទី២២ ខែកញ្ញា ឆ្នាំ២០២០
