មេដឹកនាំលេចធ្លោឃឺដ និងជាអតីតប្រធានាធិបតីនៃតំបន់ឃឺដលោក Masoud Barzani នៅថ្ងៃអង្គារនេះបានទទួលប្រេសិតពិសេសរបស់សហរដ្ឋអាមេរិកសម្រាប់ប្រទេសស៊ីរីគឺលោក James Jeffrey ដើម្បីពិភាក្សាពីតួនាទីរបស់ឃឺដ។
ក្នុងជំនួបនោះលោក Barzani និងលោក Jeffrey ក៏បានផ្លាស់ប្តូរយោបល់ស្តីពីការវិវឌ្ឍន៍ថ្មីៗនៅស៊ីរី ឃឺដទាក់ទងនឹងការចរចារវាងក្រុមនយោបាយឃឺដ។
សេចក្តីប្រកាសព័ត៌មានបាននិយាយថាប្រេសិតអាមេរិកក៏បានពន្យល់ពីទស្សនវិស័យរបស់ប្រទេសលោកសម្រាប់អនាគតនៃទំនាក់ទំនងអ៊ីរ៉ាក់ – អាម៉េរិកក្នុងកិច្ចពិភាក្សាយុទ្ធសាស្ត្ររវាងភាគីទាំងពីរ។
កិច្ចខិតខំប្រឹងប្រែងដើម្បីរក្សារដ្ឋអ៊ីស្លាមស្ថិតក្រោមសម្ពាធរហូតដល់វាត្រូវបានគេលុបបំបាត់ក៏ដូចជាការវិលត្រឡប់មកវិញប្រកបដោយសុវត្ថិភាពរបស់ជនភៀសខ្លួនក៏ត្រូវបានពិភាក្សានៅក្នុងកិច្ចប្រជុំផងដែរ។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី ២២ ខែកញ្ញា ឆ្នាំ២០២០