ភ្នាក់ងារសារព័ត៌មាន Tasnim រាយការណ៍ថា នៅថ្ងៃអាទិត្យ ទី២៨ ខែកញ្ញា ឆ្មាំបដិវត្តអ៊ីស្លាមអ៊ីរ៉ង់ (IRGC) បានបង្ហាញកាំជ្រួចមីស៊ីលផ្លោងថ្មីមួយរបស់កងទ័ពជើងទឹក។
មីស៊ីលនោះមានឈ្មោះថា Zolfaqar Basir ត្រូវគេដាក់បង្ហាញនៅឧទ្យានជាតិអវកាសនៅក្នុងរដ្ឋធានី Tehran នៅព្រឹកថ្ងៃអាទិត្យ។ Zolfaqar Basir អាចបាញ់បានចម្ងាយ ៧០០គីឡូម៉ែត្រ។
លោក Hossein Salami មេបញ្ជាការរបស់ IRGC មានប្រសាសន៍ថា៖“យើងអាចប្រែក្លាយទណ្ឌកម្មរបស់សហរដ្ឋអាមេរិកទៅជាឱកាសមួយសម្រាប់ការជំរុញវឌ្ឍនភាពនៅក្នុងឧស្សាហកម្មការពារជាតិ” ។
នៅថ្ងៃអាទិត្យ ទី២៧ ខែកញ្ញា IRGC ឧទ្យានជាតិអវកាសបានបើកដំណើរការ ដោយទីនោះជាកន្លែងតាំងពិព័រណ៍អចិន្ត្រៃយ៍សម្រាប់សមិទ្ធិផលលំហអាកាសរបស់IRGC ។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៧ ខែកញ្ញា ឆ្នាំ២០២០
