ក្រសួងមហាផ្ទៃអេហ្ស៊ីបលើកឡើងនៅក្នុងសេចក្តីថ្លែងការណ៍មួយនៅថ្ងៃចន្ទថា សមាជិកក្រុមសកម្មប្រយុទ្ធចំនួន០២នាក់ត្រូវសមត្ថកិច្ចសម្លាប់នៅក្នុងហេតុការណ៍វាយឆ្មក់របស់ប៉ូលិសនៅក្នុងខេត្តមួយនៅភាគខាងជើងរដ្ឋធានី Cairo នៅប្រទេសអេហ្ស៊ីប។
សេចក្តីថ្លែងការណ៍បន្ថែមថា ផ្នែកសន្តិសុខជាតិទទួលបានដំណឹងអំពីការលាក់ខ្លួនរបស់សមាជិកសកម្មប្រយុទ្ធចំនួន០២នាក់នៅក្នុងតំបន់លំនៅដ្ឋានមួយនៅខេត្ត Qalyubia។ ក្រុមសកម្មប្រយុទ្ធកំពុងរៀបចំផែនការដើម្បីធ្វើប្រតិបត្តិការវាយប្រហារនៅពេលខាងមុខនេះ។
សូមរំលឹកផងដែរថា ប្រទេសអេហ្ស៊ីបបានចាប់ផ្តើមធ្វើប្រតិបត្តិការនៅទូទាំងប្រទេសចាប់តាំងពីខែកុម្ភៈ ឆ្នាំ២០១៨ ដើម្បីលុបបំបាត់ការវាយប្រហារភេរវកម្មប្រឆាំងសន្តិសុខដែលកំណត់គោលដៅខ្លាំងនៅភាគខាងជើងតំបន់ Sinai ដោយបានសម្លាប់សមាជិកសកម្មប្រយុទ្ធច្រើនជាងចំនួន ១ ០០០ នាក់៕
