ប្រទេសតួកគីបានបដិសេធនៅថ្ងៃអង្គារនេះចំពោះការអះអាងរបស់ប្រទេសអាមេនីដែលថាយន្តហោះចម្បាំង F-16 របស់តួកគីបានបាញ់ទម្លាក់យន្តហោះចម្បាំង Su-25 របស់ប្រទេសអាមេនីអំឡុងពេលមានជម្លោះរវាងប្រទេសអាមេនី និងប្រទេសអាល់ស៊ៃប៉ៃហ្សង់។
លោក Fahrettin Altun នាយកផ្នែកទំនាក់ទំនងរបស់ប្រធានាធិបតីតួកគីនិយាយថា៖ “ការអះអាងដែលថាប្រទេសតួកគីបានបាញ់ទម្លាក់យន្តហោះចម្បាំងអាមេនីគឺមិនពិតទេ។
សូមរំលឹកផងដែរថា ប្រទេសអាមេនី និងអាល់ស៊ែបៃហ្សង់ប្រឈមមុខដាក់គ្នាលើតំបន់ភ្នំ Nagorno-Karabakhពីឆ្នាំ១៩៨៨មក។កិច្ចចរចាសន្តិភាពធ្វើឡើងនៅឆ្នាំ១៩៩៤ក្រោយពីមានបទឈប់បាញ់គ្នា ប៉ុន្តែនៅមានការប៉ះទង្គិចគ្នាបន្តិចបន្តួចតាមព្រំដែន។
ជម្លោះប្រដាប់អាវុធថ្មីផ្ទុះឡើងសារជាថ្មីនៅព្រឹកថ្ងៃអាទិត្យតាមបណ្តាញទំនាក់ទំនងនៅតំបន់ Nagorno និងKarabakh។ គេរាយការណ៍ថា ការប៉ះទង្គិចគ្នាដែលកំពុងកើតឡើងនេះបានបណ្តាលឱ្យមានមនុស្សស្លាប់ និងខាតបង់យ៉ាងធ្ងន់ធ្ងរ។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី៣០ ខែកញ្ញា ឆ្នាំ២០២០
