ក្រសួងការបរទេសស៊ីរីបញ្ជាក់នៅថ្ងៃព្រហស្បតិ៍ ទី០១ ម្សិលមិញថា ប្រទេសស៊ីរីនៅតែបន្តប្រឆាំងចំពោះកិច្ចព្រមព្រៀងសន្តិភាព ឬសន្ធិសញ្ញាណាមួយជាមួយប្រទេសអ៊ីស្រាអែលដរាបណាពួកគេមិនអាចដណ្តើមយកទឹកដីដែលកាន់កាប់ដោយអ៊ីស្រាអែលមកវិញបាន។
ក្រសួងលើកឡើងថា បើមានកិច្ចព្រមព្រៀងណាមួយធ្វើឡើងជាមួយនឹងនឹងប្រទេសអ៊ីស្រាអែលគឺធ្វើឱ្យអន្តរាយដល់ប្រទេសអារ៉ាប់ដែលជាបញ្ហាចម្បងរបស់ប្រទេសប៉ាឡេស្ទីន។
សេចក្តីថ្លែងការណ៍នោះបានសង្កត់ធ្ងន់ថា ជំហររបស់ប្រទេសស៊ីរីបានប្រឆាំងនឹងអ្នកដែលបានចុះហត្ថលេខា ហើយថែមទាំងនឹងមានបំណងចុះហត្ថលេខានាពេលអនាគតលើកិច្ចព្រមព្រៀង ដែលមិនបានផ្តល់នូវសិទ្ធិកាន់កាប់ និងការគ្រប់គ្រងដីមកវិញ។
សេចក្តីថ្លែងការណ៍នោះប្រឆាំងជំហាននៃកិច្ចព្រមព្រៀងសន្តិភាពថ្មីៗរវាងប្រទេសអេមីរ៉ាតអារ៉ាប់រួម និងប្រទេសអ៊ីស្រាអែល ក៏ដូចជាប្រទេសផ្សេងទៀតដែលបានចុះហត្ថលេខារវាងប្រទេសបារ៉ែន និងប្រទេសអ៊ីស្រាអែល។
ប្រទេសស៊ីរី និងអ៊ីស្រាអែលជាអ្នកបង្កជម្លោះជាពិសេសនៅពេលដែលប្រទេសអ៊ីស្រាអែលបានកាន់កាប់តំបន់ Golan Heights នៅឆ្នាំ ១៩៦។ នៅថ្ងៃពុធ ទី៣១ ខែកញ្ញា អ្នកតំណាងអចិន្ត្រៃយ៍របស់ប្រទេសស៊ីរីប្រចាំអង្គការសហប្រជាជាតិលោក Hussam Eddin Ala បានរំលឹកឡើងវិញនូវការទាមទាររបស់ប្រទេសស៊ីរីក្នុងការបញ្ចប់ការកាន់កាប់របស់ប្រទេសអ៊ីស្រាអែលលើតំបន់ Golan Heights៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០១ ខែតុលា ឆ្នាំ២០២០
