នៅថ្ងៃចន្ទនេះ មានហេតុការណ៍បំផ្ទុះគ្រាប់បែករថយន្តមួយបានកើតឡើងនៅក្នុងទីក្រុង Mehtarlam នៅខេត្ត Laghman ភាគខាងកើតប្រទេសអាហ្វហ្គានីស្ថាន។ ប៉ូលិសក្នុងតំបន់បញ្ជាក់ថា យ៉ាងហោចណាស់មនុស្សចំនួន០៨នាក់ស្លាប់ និងមនុស្សចំនួន ២៨នាក់ផ្សេងទៀតរងរបួស។
មន្ត្រីប៉ូលិសម្នាក់ដែលសុំមិនបញ្ចេញឈ្មោះបាននិយាយថា៖ “ការផ្ទុះនេះកើតឡើងនៅម៉ោង ១០ព្រឹកម៉ោងក្នុងតំបន់។ ការបំផ្ទុះនេះបានកំណត់គោលដៅទៅលើក្បួនរថយន្តរបស់អភិបាលខេត្តដែលបើកបរតាមដងផ្លូវ។ មន្ត្រីប៉ូលិសសម្នាក់ដែលសុំមិនបញ្ចេញឈ្មោះបាននិយាយថា លោកអភិបាលបានគេចចេញពីការវាយប្រហារ ប៉ុន្តែអ្នកថ្មើរជើង និងប៉ូលិសដែលយាមក្បួនរថយន្តបានរងផលប៉ះពាល់” ៕
អ្នកនាំពាក្យប៉ូលិសខេត្ត Shafi អាហ្វហ្គានីស្ថានប្រាប់ភ្នាក់ងារសារព័ត៌មានថា អ្នកថ្មើរជើងចំនួន០៦នាក់ស្លាប់ និងជនស៊ីវិលចំនួន ២៦នាក់បានរងរបួស។ អ្នករងរបួសត្រូវរថយន្តសង្គ្រោះដឹកទៅមន្ទីរពេទ្យ និងរថយន្តឯកជនដឹកទៅមន្ទីរពេទ្យខេត្ត។ អ្នករងរបួសខ្លះស្ថិតក្នុងស្ថានភាពធ្ងន់ធ្ងរ។ អ្នកនាំពាក្យនិយាយថា “ប៉ូលិសពីរនាក់នៅក្នុងក្បួនរថយន្តបានស្លាប់ និងពីរនាក់ផ្សេងទៀតបានរងរបួស” ។
កងកម្លាំងសន្តិសុខបានឡោមព័ទ្ធតំបន់នោះសម្រាប់វិធានការការពារ។ មន្ត្រីប៉ូលិសបាននិយាយថា ហេតុការន៍ផ្ទុះនោះបានបណ្តាលឱ្យមានផ្សែងក្រាស់ៗជាច្រើនឡើងទៅលើមេឃ និងបង្កឱ្យមានការភិតភ័យស្លន់ស្លោ។ ការផ្ទុះនេះក៏បានបំផ្លាញនៅក្នុងទីក្រុងចម្ងាយ ៩០គីឡូម៉ែត្រភាគខាងកើតនៃរដ្ឋធានីរបស់ប្រទេសនេះផងដែរ។
ពុំទាន់មានក្រុមណាមួយចេញមុខអះអាងទទួលខុសត្រូវចំពោះការវាយប្រហារនេះទេ។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៥ ខែតុលា ឆ្នាំ២០២០