ក្រុមមន្ត្រីនិយាយថា នៅថ្ងៃអង្គារ ទី០៦ ម្សិលមិញនេះ កងទ័ពជាតិសូម៉ាលីបានសម្លាប់សមាជិកក្រុមសកម្មប្រយុទ្ធអាល់សាបាបចំនួន ១០នាក់ដោយក្នុងនោះមានមន្ត្រីជាន់ខ្ពស់ចំនួនពីរនាក់ ក្រោយពីពួកគេបានធ្វើប្រតិបត្តិការនៅទីតាំងជាច្រើនជិតទីក្រុង Barire នៅក្នុងតំបន់ Lower Shabelle នៅភាគខាងត្បូងប្រទេសសូម៉ាលី។
មេបញ្ជាការកងទ័ព SNA នៅតំបន់នោះគឺលោក Ahmed Hassan Siyad បានប្រាប់វិទ្យុយោធា Mogadishu ថា កងកម្លាំងថែមទាំងបានរំដោះទីតាំងជាច្រើននៅជាប់តំបន់កណ្តាល Shabelle ផងដែរ។
លោកពុំបានធ្វើអត្ថាធិប្បាយទេថាមានអ្នកស្លាប់ និងរបួសនៅខាងភាគីរដ្ឋបាលថ្នាក់ក្រោមជាតិ ឬយ៉ាងណានោះ។
កម្លាំងរដ្ឋាភិបាលបានបង្កើនប្រតិបត្តិការប្រឆាំងនឹងក្រុមជ្រុលនិយមអាល់សាបាបនៅតំបន់ភាគខាងត្បូងប៉ុន្តែក្រុមសកម្មប្រយុទ្ធនៅតែលាក់ខ្លួននៅតាមតំបន់ជនបទដោយធ្វើការស្ទាក់ចាប់ និងដាំគ្រាប់មីន។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៦ ខែតុលា ឆ្នាំ២០២០