លេខាធិការក្រសួងការពារជាតិប្រទេសអាមេនី លោកស្រី Shushan tepanyan មានប្រសាសន៍ថា នៅល្ងាច ថ្ងៃព្រហស្បតិ៍ ទី០៨ ខែតុលា កងកម្លាំងប្រដាប់អាវុធនៃប្រទេសអាមេនីបានបាញ់ទម្លាក់យន្តហោះដ្រូនចំនួន០៧គ្រឿងនៅជិតទីក្រុង Vardenis របស់ប្រទេសអាមេនី។
ការប៉ះទង្គិចគ្នាជាថ្មីរវាងប្រទេសអាស៊ែបៃហ្សង់ និងប្រទេសអាមេនីផ្ទុះឡើងនៅថ្ងៃទី ២៧ ខែកញ្ញា ដោយមានការប្រយុទ្ធគ្នាយ៉ាងខ្លាំងនៅក្នុងតំបន់ដែលមានជម្លោះ Nagorno-Karabakh។ តំបន់ទាំងនេះធ្លាប់ប្រឈមអំពើហឹង្សានៅរដូវក្តៅឆ្នាំ២០១៤ ក្នុងខែមេសា ឆ្នាំ២០១៦ និងនៅខែកក្កដាកន្លងមកថ្មីៗនេះ។ ប្រទេសអាស៊ែបៃហ្សង់ និងប្រទេសអាមេនីបានដាក់ចេញច្បាប់អាជ្ញាសឹក និងចាប់ផ្តើមខំប្រឹងប្រែងប្រមូលផ្តុំកម្លាំងសារជាថ្មី។ ភាគីជម្លោះទាំងពីរបានរាយការណ៍ពីការស្លាប់ និងរបួស ដោយចំណោមមនុស្សទាំងនោះគឺជាជនស៊ីវិល។
សូមរំលឹកផងដែរថា ជម្លោះរវាងប្រទេសអាមេនី និងប្រទេសអាស៊ែបៃហ្សង់លើតំបន់ខ្ពង់រាប Nagorno-Karabakh ផ្ទុះឡើងនៅខែកុម្ភៈ ឆ្នាំ១៩៨៨ ក្រោយពីតំបន់ Nagorno-Karabakh ប្រកាសដកខ្លួនចេញពីសាធារណរដ្ឋសង្គមនិយមសូវៀតអាស៊ែបៃហ្សង់។ ក្នុងឆ្នាំ១៩៩២ ដល់ឆ្នាំ១៩៩៤ ភាពតានតឹងបានផ្ទុះឡើង និងមានសណ្ឋានយោធាទ្រង់ទ្រាយធំដើម្បីត្រួតត្រាលើដែនដីនៅជុំវិញ និងតំបន់ចំនួន០៧ជាប់គ្នាក្រោយពីប្រទេសអាស៊ែបៃហ្សង់បាត់បង់ការគ្រប់គ្រងលើតំបន់ទាំងនោះ។
កិច្ចពិភាក្សាស្តីពីតំបន់តាំងទីលំនៅ Nagorno-Karabakh បានកំពុងដំណើរការចាប់តាំងពីឆ្នាំ១៩៩២ ក្រោមការគ្រប់គ្រងរបស់ក្រុម OSCE Minsk ដែលដឹកនាំដោយប្រទេសសហប្រធានទាំងបីរបស់ខ្លួនមានប្រទេសរុស្ស៊ី ប្រទេសបារាំង និងសហរដ្ឋអាមេរិក៕
ប្រែសម្រួល៖ប៉ោក លក្ខិណា
ប្រភពព័ត៌មាន TASS ចុះផ្សាយថ្ងៃ០៩ ខែតុលា ឆ្នាំ២០២០
