យោងតាមប្រភពព័ត៌មានពីឆ្មាំជាតិរបស់ប្រទេសរុស្ស៊ីបានអោយដឹងថា នៅថ្ងៃអង្គារ ទី១៣ ម្សិលមិញ មន្ត្រីអនុវត្តច្បាប់ចំនួន០២នាក់ត្រូវភេរវករសម្លាប់ក្នុងកំឡុងពេលធ្វើប្រតិបត្តិការប្រឆាំងភេរវកម្មមួយនៅក្នុងសាធារណរដ្ឋ Chechen ប្រទេសរុស្ស៊ី។
ឆ្មាំជាតិនិយាយនៅក្នុងសេចក្តីថ្លែងការណ៍មួយថា នៅក្នុងប្រតិបត្តិការស្វែងរកនៅស្រុក Oktyabrsky នៃទីក្រុង Chechen រដ្ឋធានី Grozny មន្ត្រីអនុវត្តច្បាប់បានប៉ះទង្គិចជាមួយឧក្រិដ្ឋជនប្រដាប់អាវុធ ដែលបណ្តាលឲ្យមន្ត្រីចំនួន០២នាក់ស្លាប់ និង០១នាក់ផ្សេងទៀតរងរបួស។
គណៈកម្មាធិការជាតិប្រឆាំងភេរវកម្មនិយាយថា ជនសង្ស័យត្រូវសមត្ថកិច្ចស្នើឲ្យសុំចុះចាញ់ ប៉ុន្តែពួកគេបានបាញ់តបវិញ ដោយបន្ថែមថាពួកគេទាំងបួននាក់នឹងប្រឆាំង។
គណៈកម្មាធិការបញ្ជាក់ឲ្យដឹងផងដែរថា ទីតាំងកើតហេតុកំពុងត្រូវសមត្ថកិច្ចត្រួតពិនិត្យហើយការស៊ើបអង្កេតកំពុងដំណើរការ៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៣ ខែតុលា ឆ្នាំ២០២០
