កងកម្លាំងប្រដាប់អាវុធហ្វីលីពីន (AFP) នឹងធ្វើការឃ្លាំមើលសាលារៀន និងបណ្តាញសង្គម ដើម្បីជ្រើសរើសយកកុមារតូចៗការពារតាមអ្វីដែលអាចធ្វើបាន ពីក្រុមសកម្មប្រយុទ្ធអាប៊ូសាយយ៉ាហ្វគ្រុប (ASG) ។
យោធាដឹងថា ក្រុមសកម្មប្រយុទ្ធ ASG កំពុងពង្រឹងកម្លាំងរបស់ខ្លួន បន្ទាប់ពីការចាប់ខ្លួនជាបន្តបន្ទាប់នៃសមាជិកជាន់ខ្ពស់របស់ខ្លួន។
នេះបើយោងតាមអគ្គស្នងការនៃ AFP ឧត្តមសេនីយ៍ Gilbert Gapay និយាយថា ពួកគេកំពុងសម្របសម្រួលជាមួយក្រសួងអប់រំ (DepEd) និងអង្គភាពរដ្ឋាភិបាលក្នុងតំបន់ (LGUs) ដើម្បីមើលសាលារៀន Madrasah នៅលើកោះមីនដាណាវ។
ក្រុមយោធាក៏នឹងតាមដានផងដែរនៅលើប្រព័ន្ធផ្សព្វផ្សាយសង្គមជាពិសេសនាពេលបច្ចុប្បន្ននេះថា សិស្សភាគច្រើនស្ថិតនៅក្រោមការរៀនពីចម្ងាយ។
ស្នងការទីភ្នាក់ងារ AFP ឧត្តមសេនីយ៍ Gilbert Gapay បានថ្លែងថា ក្រៅពីការបើកប្រតិបត្តិការប្រឆាំងនឹងក្រុមភេរវករ ពួកគេក៏នឹងផ្តោតលើយុទ្ធសាស្ត្រ ដើម្បីការពារ ASG ពីការពង្រឹងកម្លាំងរបស់ខ្លួន។
របាយការណ៍ពី Bea Bernardo និយាយថា “វាជាផ្នែកមួយ នៃយុទ្ធសាស្ត្រថ្នាក់ជាតិ នៅក្នុងការប្រឆាំងនឹងអំពើភេរវកម្ម និងជាវិធីសាស្ត្រជាតិទាំងមូល ទាំងនេះជាមូលហេតុដែលយើងមានកម្មវិធីរបស់រដ្ឋាភិបាលប្រឆាំងភេរវកម្មដ៏ទូលំទូលាយ”
អ្នកប្រែសម្រួល៖ ឱក សុវណ្ណារ័ត្ន
ប្រភពព័ត៌មានពី ptvnews ចេញផ្សាយថ្ងៃទី១៣ ខែតុលា ឆ្នាំ២០២០
