ប៉ូលិសរបស់ប្រទេសតង់សានីនិយាយនៅថ្ងៃចន្ទថា នៅថ្ងៃចន្ទ ទី១៩ ខែតុលា ពួកគេសម្លាប់សមាជិកក្រុមចោរប្លន់ប្រដាប់អាវុធចំនួន០២នាក់នៅក្នុងរដ្ឋធានី Arusha នៅភាគខាងជើងប្រទេសតង់សានី។
មេបញ្ជាការប៉ូលិសប្រចាំតំបន់ Arusha Salum Hamduni និយាយថា ក្រុមចោរប្រដាប់អាវុធចំនួន០៣នាក់ផ្សេងទៀតរត់គេចខ្លួននៅពេលដែលប៉ូលិសប្រឈមមុខជាមួយពួកគេនៅថ្ងៃអាទិត្យម៉ោងប្រហែលជា០១និង៣០នាទីរសៀលម៉ោងក្នុងស្រុកនៅជាយក្រុងOlkerian។
លោក Hamduni ប្រាប់សន្និសីទសារព័ត៌មានថា៖ “ប៉ូលិសបាញ់សម្លាប់ជនសង្ស័យ ក្រោយពីពួកគេប្រឆាំងនឹងការចាប់ខ្លួននិងចាប់ផ្តើមបាញ់លើមន្ត្រីអនុវត្តច្បាប់”។
លោកបញ្ជាក់ថា ជាការឆ្លើយតប ប៉ូលិសបានបាញ់សម្លាប់ជនសង្ស័យជាចោរប្លន់ប្រដាប់អាវុធទាំង០៣នាក់៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៩ ខែតុលា ឆ្នាំ២០២០