ជនអន្តោប្រវេសន៍អេត្យូពីរាប់រយនាក់បានមកដល់នៅថ្ងៃព្រហស្បតិ៍នេះដើម្បីធ្វើពិធីដ៏សប្បាយរីករាយមួយនៅឯអាកាសយានដ្ឋានអន្តរជាតិរបស់អ៊ីស្រាអែល ខណៈរដ្ឋាភិបាលបានបោះជំហានឆ្ពោះទៅរកការសន្យារបស់ខ្លួនដើម្បីបង្រួបបង្រួមគ្រួសាររាប់រយគ្រួសារដែលបែកបាក់គ្នារវាងប្រទេសទាំងពីរ។
មនុស្សប្រហែល ៣០០ នាក់បានចុះចតក្នុងជើងហោះហើររបស់ក្រុមហ៊ុនអាកាសចរណ៍អេត្យូពីដោយមានគ្រវីទង់ជាច្រើនឬក៏ឈរថើបគ្នានៅលើដី។ មនុស្សជាច្រើនស្លៀកពាក់អាវផាយតាមបែបប្រពៃណីរបស់ជនជាតិអេត្យូពី ហើយស្ត្រីជាច្រើនកាន់ដៃទារក។ បទចំរៀងពិធីបុណ្យហេព្រើរបានបន្លឺឡើងលើឧបករណ៍បំពងសំលេង។
ទោះបីក្រុមគ្រួសារទាំងនោះមានដើមកំណើតចេញពីជនជាតិភាគតិចជ្វីហ្វហើយមានគ្រួសារជាច្រើនកំពុងអនុវត្តជាជនជាតិជ្វីហ្វក៏ដោយ ក៏អ៊ីស្រាអែលមិនចាត់ទុកពួកគេជាជនជាតិជ្វីហ្វស្ថិតនៅក្រោមច្បាប់សាសន៍។ ផ្ទុយទៅវិញពួកគេត្រូវបានអនុញ្ញាតឱ្យចូលប្រទេសក្រោមកម្មវិធីបង្រួបបង្រួមគ្រួសារដែលតម្រូវឱ្យមានការយល់ព្រមពីរដ្ឋាភិបាលជាពិសេស។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី៣ ខែធ្នូ ឆ្នាំ២០២០
