ក្រសួងការពារជាតិនិយាយនៅក្នុងសេចក្តីថ្លែងការណ៍មួយថា នៅថ្ងៃអង្គារដើមសប្តាហ៍នេះ កងទ័ពអាល់ហ្សេរីបានសម្លាប់ភេរវករចំនួន០៣នាក់នៅក្នុងខេត្ត Jijel ភាគខាងកើតនៃរដ្ឋ Algiers។
សេចក្តីថ្លែងការណ៍និយាយថា ក្រុមភេរវករត្រូវកងកម្លាំងទ័ពរបស់ប្រទេសអាល់ហ្សេរីបាញ់សម្លាប់នៅក្នុងកំឡុងពេលធ្វើប្រតិបត្តិការស្វែងរកនៅក្នុងខេត្ត Jijel នៅរសៀលថ្ងៃអង្គារ។
សេចក្តីរាយការណ៍បន្ថែមទៀតថា កងកម្លាំងរឹបអូសបានកាំភ្លើងវែងចំនួន០៣ដើម បង់កាំភ្លើងចំនួន៥ និងគ្រាប់បែកដៃចំនួន០១ ក្នុងអំឡុងពេលធ្វើប្រតិបត្តិការ។
សមាជិកមួយចំនួនរបស់ក្រុមអាល់កៃដានៅតំបន់ Islamic Maghreb បានពង្រាយគ្នានៅលើលើភ្នំ និងព្រៃនៅភាគខាងជើងអាល់ហ្សេរី។ សូមបញ្ជាក់ផងដែរថា ក្រុមភេរវករមានទំនោរធ្វើការដាំមីនតាមផ្ទះ និងធ្វើការវាយប្រហារម្តងម្កាលប្រឆាំងនឹងកងទ័ពអាល់ហ្សេរី ឬកងកម្លាំងប៉ូលិស ដោយបានកំណត់គោលដៅលើទីតាំងយាមល្បាតរបស់កងកម្លាំង។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០២ ខែធ្នូ ឆ្នាំ២០២០
