អង្គការសង្គ្រោះកុមារបាននិយាយថាកុមាររាប់ពាន់នាក់ត្រូវបានបង្ខំឱ្យរស់នៅក្នុងចំណោមគ្រាប់បែកមិនទាន់ផ្ទុះ សាកសព និងកម្ទេចកម្ទីបន្ទាប់ពីការបិទជំរុំសម្រាប់ប្រជាជនផ្លាស់ទីលំនៅនៅអ៊ីរ៉ាក់។
អង្គការសង្គ្រោះកុមារបាននិយាយនៅក្នុងសេចក្តីថ្លែងការណ៍មួយថាកុមាររាប់ពាន់នាក់ និងគ្រួសាររបស់ពួកគេត្រូវបានបង្ខំឱ្យរស់នៅក្នុងផ្ទះដែលរងការខូចខាតយ៉ាងធ្ងន់ធ្ងរនៅក្នុងតំបន់ដែលត្រូវបានគេបោះបង់ចោលដោយគ្រាប់បែកមិនទាន់ផ្ទុះ បន្ទាប់ពីការបិទជំរុំជាច្រើនសម្រាប់ជនភៀសខ្លួននៅក្នុងប្រទេសអ៊ីរ៉ាក់។
អង្គការនេះបាននិយាយថាក្រុមរបស់ខ្លួនបាននិយាយជាមួយឪពុកម្តាយដែលត្រូវបានគេបង្ខំឱ្យចាកចេញពីជំរុំ។ ពួកគេបានប្រាប់កំណត់ហេតុដ៏គួរឱ្យខ្លាចនៃការរកឃើញគ្រាប់បែកមិនទាន់ផ្ទុះនិងសាកសពនៅក្នុងអាគារ និងក្រោមគំនរបាក់បែកនៅក្នុងតំបន់ដែលពួកគេរស់នៅសព្វថ្ងៃ។
អង្គការនេះក៏បាននិយាយទៀតថា ក្រុមគ្រួសារកំពុងត្រូវការសេវាកម្មជាបន្ទាន់ដូចជាអគ្គិសនី ទឹកស្អាត និងសុវត្ថិភាពចំណីអាហារ និងការដឹកជញ្ជូន។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី៣០ ខែវិច្ឆិកា ឆ្នាំ២០២០
