ប្រព័ន្ធផ្សព្វផ្សាយនៅក្នុងស្រុករាយការណ៍ថា ប៉ូលិសតួកគីបានឃុំខ្លួនមនុស្សយ៉ាងតិចចំនួន១៩នាក់នៅទីក្រុងអ៊ីស្តង់ប៊ុលជុំវិញការសង្ស័យថាពួកគេមានជាប់ទាក់ទងនឹងគណបក្សពលករឃឺដ (PKK) ដែលខុសច្បាប់។
ទូរទស្សន៍ CNN Turk និយាយថា អង្គភាពប្រឆាំងភេរវកម្មនៃនាយកដ្ឋានប៉ូលិសអ៊ីស្តង់ប៊ុលបានបើកប្រតិបត្តិការក្នុងពេលដំណាលគ្នានៅអាស័យដ្ឋាន២៨នៅទូទាំងទីក្រុងដើម្បីចាប់ខ្លួនជនសង្ស័យរួមទាំងអភិបាលរងនៃទីក្រុង Sisli។
យោងតាមប្រភពសារព័ត៌មាន CNN Turk បញ្ជាក់ឲ្យដឹងថា ជនសង្ស័យត្រូវគេចោទប្រកាន់ថា កំពុងធ្វើសកម្មភាពនៅក្នុងទីក្រុងអ៊ីស្តង់ប៊ុលក្នុងនាមជាសមជិក PKK។ នៅក្នុងការស្រាវជ្រាវធ្វើឡើងនៅអាស័យដ្ឋានទាំងនោះ គេបានរកឃើញបង់កាំភ្លើងខ្លីមួយចំនួន និងគ្រាប់កាំភ្លើងចំនួន១០៣គ្រាប់ និងសម្ភារៈឌីជីថលដែលមានជាប់ទាក់ទងទៅនឹង PKK។
ប្រភពព័ត៌មានបន្ថែមទៀតថា ប៉ូលិសបាន និងកំពុងព្យាយាមតាមចាប់ខ្លួនជនសង្ស័យចំនួន ០៦នាក់បន្ថែមទៀត។
គួរបញ្ជាក់ផងដែរថា សមាជិក PKK ដែលត្រូវប្រទេសតួកគី សហរដ្ឋអាមេរិក និងសហភាពអ៊ឺរ៉ូបចុះបញ្ជីជាអង្គការភេរវកម្ម។សមាជិកសកម្មប្រយុទ្ធទាំងនោះបានធ្វើការបះបោរប្រឆាំងនឹងរដ្ឋាភិបាលតួកគីអស់រយៈពេល៣០ឆ្នាំមកហើយ។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៦ ខែវិច្ឆិកា ឆ្នាំ២០២០
