ប្រព័ន្ធផ្សព្វផ្សាយក្នុងស្រុករាយការណ៍ថា នៅថ្ងៃអង្គារ ទី១៩ មានការវាយប្រហារគ្រាប់បែកដៃមួយលើរថយន្តរបស់កងកម្លាំងសន្តិសុខនៅក្នុងខេត្ត Balochistan ភាគនិរតីរបស់ប្រទេសប៉ាគីស្ថានបណ្តាលឲ្យមនុស្សចំនួន១៤នាក់រងរបួសដោយនៅក្នុងនោះមានបុគ្គលិកសន្តិសុខចំនួន០២នាក់។
សេចក្តីរាយការណ៍លើកឡើងថា រថយន្តរបស់កងទ័ព Frontier Corps ធ្វើដំណើរឆ្លងកាត់តំបន់ផ្សារនៅក្នុងក្រុង Surab នៅពេលមានការវាយប្រហារ។ ក្រោយមកទៀតគេបញ្ចូនអ្នករងរបួសទៅមន្ទីរពេទ្យក្បែរនោះ ប៉ុន្តែគេមិនទាន់ដឹងច្បាស់ពីស្ថានភាពរបស់ជនរងគ្រោះនៅឡើយទេ។តំបន់នោះត្រូវប៉ូលិសនិងកងកម្លាំងសន្ដិសុខឡោមព័ទ្ធដើម្បីធ្វើការស៊ើបអង្កេត។
ពុំទាន់មានក្រុមណាមួយ ឬបុគ្គលណាម្នាក់អះអាងពីការវាយប្រហារនេះនៅឡើយទេ។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី៣០ ខែធ្នូ ឆ្នាំ២០២០
