ប៉ូលិសបញ្ជាក់ថា នៅថ្ងៃពុធ ទី៣០ កងកម្លាំងសន្តិសុខបាញ់សម្លាប់សកម្មប្រយុទ្ធចំនួន០៣នាក់នៅក្នុងតំបន់កាស្មៀរ ដែលគ្រប់គ្រងដោយប្រទេសឥណ្ឌា។
ប្រភពបន្ថែមថា ការប្រឈមមុខដាក់គ្នារវាងកងកម្លាំងសន្តិសុខកើតឡើងនៅតំបន់ Lawaypora ក្នុងទីក្រុង Srinagar។
យ៉ាងណាមិញ គេមិនទាន់ស្គាល់អត្តសញ្ញាណរបស់សមាជិកសកម្មប្រយុទ្ធដែលស្លាប់ទាំងនោះនៅឡើយទេ។ សូមរង់ចាំព័ត៌មានលម្អិតបន្ថែម។
គួរបញ្ជាក់ផងដែរថា សង្គ្រាមទ័ពព្រៃបាន និងកំពុងកើតឡើងជាបន្តបន្ទាប់រវាងសមាជិកសកម្មប្រយុទ្ធ និងកងទ័ពឥណ្ឌាដែលឈរជើងនៅក្នុងតំបន់ចាប់ពីឆ្នាំ១៩៨៩មក។ ការផ្ទុះអាវុធរវាងភាគីទាំងសងខាងបានកើតឡើងម្តងហើយម្តងទៀតនៅទូរទាំងតំបន់។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី៣០ ខែធ្នូ ឆ្នាំ២០២០
