នៅថ្ងៃពុធ ទី៣០ អគ្គលេខាធិការសម្ព័ន្ធអារ៉ាប់ លោក Ahmed Aboul-Gheit បានធ្វើការថ្កោលទោស ចំពោះការវាយប្រហារដ៏កក្រើក នៅអាកាសយានដ្ឋានក្នុងទីក្រុងកំពង់ផែ Aden ក្នុងប្រទេសយេម៉ែនភ្លាមៗ ក្រោយពីយន្តហោះដឹករដ្ឋាភិបាលថ្មីបានទៅដល់ព្រលានយន្តហោះដោយលោកទើបតែវិលត្រលប់មកពីប្រទេសអារ៉ាប់ប៊ីសាអូឌីត។
នៅក្នុងសេចក្តីថ្លែងការណ៍មួយ លោក Aboul-Gheit អះអាងពីការផ្ទុះនេះថា ជាការវាយប្រហារភេរវកម្ម ដែលមានគោលបំណងបំផ្លាញកិច្ចព្រមព្រៀងនយោបាយដែលទើបតែសម្រេចបាននៅក្រោមការឧបត្ថម្ភរបស់ទីក្រុងរីយ៉ាដ(Riyadh)។ លោកបន្ថែមថា កិច្ចព្រមព្រៀងនយោបាយនាំឲ្យឈានទៅដល់ការបង្កើតរដ្ឋាភិបាលបែងចែកអំណាចថ្មី និងផ្តោតសំខាន់លើការផ្សះផ្សារការបែកបាក់គ្នា។ លោកបន្ថែមថា អ្នកដែលនៅពីក្រោយការវាយប្រហារនោះមិនចង់ទទួលបាននូវអ្វីដែលល្អប្រសើរសម្រាប់ប្រទេសយេម៉ែន និងប្រជាជនរបស់ខ្លួននោះទេ ហើយថែមទាំងព្យាយាមបង្កើតភាពវឹកវរ និងបង្កបញ្ហានាំឲ្យប្រជាពលរដ្ឋរងទុក្ខ។
ប្រធានអង្គភាពការពារប្រជាជនអារ៉ាប់ ដែលកំពុងកាន់ទុក្ខចំពោះជនរងគ្រោះបានបង្ហាញការសាទរចំពោះការងារដ៏ក្លាហានរបស់រដ្ឋាភិបាលថ្មី ដែលខិតខំធ្វើកិច្ចការក្នុងពេលវេលាដ៏លំបាកបំផុតដើម្បីកាត់បន្ថយទុក្ខវេទនារបស់ប្រជាជនយេម៉ែន។
គួរបញ្ជាក់ផងដែរថា ការផ្ទុះដ៏កក្រើកចំនួន០៣លើកបានធ្វើឱ្យរង្គើដល់អាកាសយានដ្ឋានអន្តរជាតិ Aden នៅថ្ងៃពុធ និងបានសម្លាប់មនុស្សយ៉ាងហោចណាស់ចំនួន២០នាក់៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃ៣០ ខែធ្នូ ឆ្នាំ២០២០
