នៅថ្ងៃចន្ទ ទី០៤ យុវជនអាយុ ១៧ឆ្នាំម្នាក់ត្រូវបង្ហាញខ្លួននៅតុលាការក្នុងប្រទេសអង់គ្លេសប្រឈមនឹងការចោទប្រកាន់បទឧក្រិដ្ឋភេរវកម្មចំនួន៦ករណី។
ក្មេងជំទង់មកពីស្រុក Essex ភាគអាគ្នេយ៍ក្នុងប្រទេសអង់គ្លេស ដោយមិនអាចបង្ហាញឈ្មោះព្រោះតែអាយុរបស់គាត់។ ក្មេងនោះមានវត្តមាននៅក្នុងវីដេអូពាក់ព័ន្ធនឹងអំពើរភេរវកម្មមុនពេលចូលបង្ហាញខ្លួនក្នុងតុលាការ Westminster Magistrates នៅទីក្រុងឡុងដ៏។ ក្មេងនោះត្រូវជាប់ឃុំខ្លួន និងត្រូវចូលបង្ហាញខ្លួនសារជាថ្មីនៅតុលាការព្រហ្មទណ្ឌកណ្តាល Old Bailey នៅថ្ងៃទី២២ ខែមករា។
គាត់ជាប់ចោទពីបទឧក្រិដ្ឋភេរវកម្មចំនួន៦ករណី ក្រោយពីមានការស៊ើបអង្កេតមួយដឹកនាំដោយប៉ូលិសប្រឆាំងអំពើរភេរវកម្មនៅក្នុងតំបន់ភាគឥសាន (CTP) ដែលគាំទ្រដោយអង្គភាពប្រតិបត្តិការពិសេសប្រចាំតំបន់ភាគខាងកើត និងប៉ូលិសស្រុក Essex។
ភ្នាក់ងារ CTP និយាយថា គេចាប់ខ្លួនក្មេងជំទង់នោះ និងឃុំខ្លួនក្រោមច្បាប់ភេរវកម្មនៅថ្ងៃទី២៩ ខែធ្នូ ដោយការចាប់ខ្លួននោះគឺជាផ្នែកមួយនៃប្រតិបត្តិការដឹកនាំដោយភ្នាក់ងារស៊ើបការណ៍។ ប៉ូលិសបន្ថែមថា ដើម្បីចាប់ខ្លួនជនសង្ស័យ សមត្ថកិច្ចបានចុះទៅស្រាវជ្រាវនៅផ្ទះចំនួន២ក្នុងទីក្រុង Chelmsford និង Brentwood នៅក្នុងស្រុក Essex ។
គាត់ប្រឈមនឹងបទឧក្រិដ្ឋមួយចំនួនដូចជាចូលរួមក្នុងការរៀបចំសកម្មភាពភេរវកម្មបទល្មើសក្នុងការផ្សព្វផ្សាយអំពើរភេរវកម្ម និងបទឧក្រិដ្ឋចំនួនបួនក្នុងការគ្រប់គ្រងសម្ភារៈដែលទំនងជាមានប្រយោជន៍សម្រាប់មនុស្សម្នាក់ ដើម្បីប្រព្រឹត្ត ឬរៀបចំសកម្មភាពភេរវកម្ម៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៥ ខែមករា ឆ្នាំ២០២០
