កងទ័ពអ៊ីស្រាអែលនិយាយនៅថ្ងៃអង្គារថា មន្ត្រីសន្តិសុខអ៊ីស្រាអែលម្នាក់បាញ់សម្លាប់ជនសង្ស័យប៉ាឡេស្ទីនម្នាក់ដែលប៉ុនប៉ងធ្វើការវាយប្រហារដោយប្រើកាំបិតនៅតំបន់ West Bank ដែលកាន់កាប់ដោយអ៊ីស្រាអែល។
ហេតុការណ៍នេះកើតឡើងនៅតំបន់ Gush Etzion Junction ភាគនិរតីទីក្រុង Bethlehem។
អ្នកនាំពាក្យយោធាអ៊ីស្រាអែលនិយាយក្នុងសេចក្តីថ្លែងការណ៍មួយថា មន្ត្រីឃើញជនសង្ស័យកំពុងធ្វើដំណើរលើផ្លូវដើរសំដៅចូលទៅគាត់កាន់តែកៀក។ ក្រោយពីមានការសង្ស័យប៉ូលិស សន្តិសុខ និងទាហាន IDF (កងកំលាំងការពារជាតិអ៊ីស្រាអែល) ធ្វើប្រតិបត្តិការដើម្បីបញ្ឈប់សកម្មភាពរបស់ជនសង្ស័យដោយធ្វើការបាញ់ទៅលើអាកាស។
ប្រភពបន្តថា ក្រោយមកជនសង្ស័យបានគប់កាំបិតទៅលើមន្ត្រីដែលបាញ់ទៅលើជនសង្ស័យរូបនោះ។
ក្រោយមកទៀត ប្រភពវេជ្ជសាស្ត្រប៉ាឡេស្ទីនលើកឡើងនៅក្នុងសេចក្តីប្រកាសព័ត៌មានថាការិយាល័យទំនាក់ទំនងប៉ាឡេស្ទីនជាមួយអ៊ីស្រាអែលបានជូនដំណឹងពីបុរសប៉ាឡេស្ទីនម្នាក់ត្រូវទាហានអ៊ីស្រាអែលបាញ់សម្លាប់នៅជិតភូមិ Bethlehem។
គេមិនទាន់ស្គាល់អត្តសញ្ញាណរបស់បុរសប៉ាឡេស្ទីននោះភ្លាមៗទេ។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៦ ខែមករា ឆ្នាំ២០២០
