សន្ដិសុខនៅក្នុងតំបន់ និងពេទ្យម្នាក់និយាយថា នៅថ្ងៃអាទិត្យ ទី១៧ ខែមករា មានហេតុការណ៍ផ្ទុះគ្រាប់បែកមួយកើតឡើងនៅភាគខាងលិចទីរួមខេត្ត Nineveh ក្នុងទីក្រុង Mosul។ ហេតុការណ៍នោះសម្លាប់សមាជិកសន្តិសុខចំនួន៦នាក់ និងជនស៊ីវិលចំនួន១នាក់។
ប្រភពសន្តិសុខប្រាប់ភ្នាក់ងារព័ត៌មានក្នុងលក្ខខណ្ឌអនាមិកថា ការផ្ទុះនេះកើតឡើងនៅក្នុងភូមិមួយ ដែលមានចម្ងាយប្រហែល១០០គីឡូម៉ែត្រនៅភាគខាងលិចនៃទីក្រុង Mosul នៅពេលដែលសមាជិកសន្តិសុខកំពុងព្យាយាមដោះគ្រាប់បែកដោយគេជឿថា គ្រាប់បែកនោះ ជាគ្រាប់បែករបស់របស់សមាជិករដ្ឋអ៊ីស្លាមជ្រុលនិយម (IS) ដែលបន្សល់ទុកចោល ក្រោយពីពួកគេធ្លាប់បានគ្រប់គ្រងតំបន់នោះមុនឆ្នាំ២០១៧ ។
វេជ្ជបណ្ឌិត Jaafar Muhsin ជាវេជ្ជបណ្ឌិតនៅមន្ទីរពេទ្យសំខាន់ក្នុងទីប្រជុំជន Tal Afar ដែលមានចម្ងាយប្រហែល ៧០ គីឡូម៉ែត្រខាងលិចទីក្រុង Mosul ប្រាប់ទីភ្នាក់ងារព័ត៌មានថា មន្ទីរពេទ្យទទួលសាកសពទាហានចំនួន៥នាក់ និងមន្ត្រីចំនួន១នាក់ ជនស៊ីវិលចំនួន១នាក់ និងទាហានចំនួន២នាក់ផ្សេងទៀតរងរបួស។
គួររំលឹកផងដែរថា ស្ថានភាពសន្តិសុខនៅក្នុងប្រទេសអ៊ីរ៉ាក់មានភាពប្រសើរឡើងគួរឱ្យកត់សម្គាល់ ក្រោយពីកងកម្លាំងសន្តិសុខអ៊ីរ៉ាក់បានកម្ចាត់សមាជិកសកម្មប្រយុទ្ធ IS ជ្រុលនិយមនៅឆ្នាំ២០១៧ ។ ទោះជាយ៉ាងណាក៏ដោយ សមាជិកឧទ្ទាម IS ដែលនៅសេសសល់បានបង្កប់ខ្លួននៅតាមទីប្រជុំជន ឬវាលខ្សាច់ និងតំបន់រឹងមាំផ្សេងទៀតដោយធ្វើការវាយប្រហារឆ្មក់ជាញឹកញាប់ប្រឆាំងនឹងកងកម្លាំងសន្តិសុខ និងជនស៊ីវិល៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៧ ខែមករា ឆ្នាំ២០២១
