យោធាអ៊ីស្រាអែលនិយាយថា គ្រាប់រ៉ុក្កែតបាញ់ចេញពីតំបន់ Gaza Strip ផ្ទុះនៅភាគខាងត្បួងនៃប្រទេសអ៊ីស្រាអែល។
កងកម្លាំងទ័ពនិយាយនៅក្នុងសេចក្តីថ្លែងការណ៍មួយថា រ៉ុក្កែតដែលបាញ់ចេញពីភាគខាងជើងតំបន់ Gaza Strip បានវាយប្រហារលើតំបន់មួយនៅជិតសហគមន៍ Nahal Oz ដែលមានទីតាំងជាប់នឹងរបងសន្តិសុខរវាងប្រទេសអ៊ីស្រាអែល និងតំបន់ឆ្នេរប៉ាឡេស្ទីន។
ពុំមានរបាយការណ៍បន្ទាន់អំពីការរងរបួស ឬការខូចខាតនោះទេ។
គួររំលឹកផងដែរថា ជាដំបូងមានគ្រាប់ក្កែតចំនួន២គ្រាប់បាញ់ចេញពីតំបន់ Gaza Strip។ ជាការឆ្លើយតបយន្តហោះចម្បាំងរបស់អ៊ីស្រាអែលបានវាយប្រហារគោលដៅលើក្រុម Hamas នៅតំបន់ Gaza Strip។ នៅរយៈពេលមួយថ្ងៃក្រោយមកទៀត ទើបមានហេតុការណ៍បាញ់គ្រាប់រ៉ុក្កែតនៅជិតសហគមន៍ Nahal Oz កើតឡើង។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២០ ខែមករា ឆ្នាំ២០២១
