នៅថ្ងៃពុធ ទី២០ ខែមករា រដ្ឋាភិបាលគាំទ្រដោយកងកម្លាំងលីប៊ីមានប្រសាសន៍ថា ហេតុការណ៍ផ្ទុះមួយកើតឡើងនៅសាលាទ័ពជើងទឹកមួយនៅភាគខាងលិចរដ្ឋធានីTripoli ដោយសម្លាប់មនុស្សចំនួន៣នាក់ និងបណ្តាលឲ្យមនុស្សចំនួន៦នាក់ផ្សេងទៀតរងរបួស។
រដ្ឋាភិបាលគាំទ្រដោយអង្គការសហប្រជាជាតិមានប្រសាសន៍នៅក្នុងសេចក្តីថ្លែងការណ៍មួយថា ប្រធានបណ្ឌិតសភា និងមានតួនាទីជាប្រធានមហាវិទ្យាល័យកងទ័ពជើងទឹកស្លាប់នៅក្នុងហេតុការណ៍ផ្ទុះនោះ រួមជាមួយនឹងជនស៊ីវិលចំនួន១នាក់ផ្សេងទៀត។
យោងតាមប្រភពដដែលបញ្ជាក់ឲ្យដឹងថា អគ្គិភ័យបានឆាបឆេះនៅបណ្ឌិត្យសភានៅថ្ងៃពុធ និងរាលដាលដល់ឃ្លាំងរំសេវមួយដែលមានទីតាំងក្បែរនោះជាមូលហេតុនាំមានការផ្ទុះកើតឡើង។
សេចក្តីថ្លែងការណ៍ពុំបានផ្តល់ព័ត៌មានលម្អិតទាក់ទងនឹងមូលហេតុនៃការផ្ទុះនេះទេ៕
ប្រែសម្រួល៖ ប៉ោក លក្ខិណា
ប្រភពព័ត៌មានXinhu ចុះផ្សាយថ្ងៃទី២១ ខែមករា ឆ្នាំ២០២១
