កងកម្លាំងសន្តិសុខអ៊ីរ៉ាក់កាលពីថ្ងៃច័ន្ទនេះបានចាប់ខ្លួនក្រុមសកម្មប្រយុទ្ធ ISIS ចំនួន៣នាក់ស្ថិតនៅភាគខាងលិចខេត្ត Anbar។
ប្រភពយោធាមួយបាននិយាយថាក្រុមសកម្មប្រយុទ្ធ ISIS នេះមានវត្តមាន និងចាប់ខ្លួននៅជិភូមិ Hit នៃខេត្ត Anbar។
ការចាប់ខ្លួននេះកើតឡើងចំពេលមានរលកនៃអំពើហិង្សាថ្មីនៅក្នុងប្រទេសអ៊ីរ៉ាក់ដែលអំពើហិង្សាចុងក្រោយគឺការសម្លាប់ក្រុមជីវពល Shia ចំនួន១១នាក់ដោយក្រុម ISIS ស្ថិតនៅក្នុងខេត្ត Salahaddin កាលពីថ្ងៃអាទិត្យមុន។
នៅកន្លែងផ្សេងទៀតនៅក្នុងរដ្ឋធានីបាដាដ ប៉ូលិសបាននិយាយថាគ្រឿងផ្ទុះមួយត្រូវបានទុកចោលនៅខាងក្រៅហាងលក់ស្រា ហើយបានផ្ទុះឡើងបណ្តាលឱ្យខូចខាតសម្ភារៈមួយចំនួន។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី២៥ ខែមករា ឆ្នាំ២០២១
