អាជ្ញាធរគ្រាអាសន្នរបស់ប្រទេសអាស៊ែបៃហ្សង់និយាយថា នៅល្ងាចថ្ងៃចន្ទ ទី២៥ ខែមករា នេះមានហេតុការណ៍ផ្ទុះយ៉ាងកក្រើកមួយកើតឡើងនៅផ្ទះឯកជនមួយ ដោយហេតុការណ៍នោះបណ្តាលឲ្យមនុស្សចំនួន៦នាក់រងរបួស។
ក្រុមអ្នកជួយសង្គ្រោះបានទាញមនុស្សចំនួន៦នាក់ចេញពីក្រោមគំនរផ្ទះបាក់បែកដែលមានកម្ពស់ពីរជាន់ និងរងការបំផ្លាញទាំងស្រុងពីហេតុការណ៍ផ្ទុះនោះ។ អាជ្ញាធរគ្រប់គ្រងគ្រាអាសន្ននិយាយថា៖“ជនរងគ្រោះទាំងអស់ត្រូវបញ្ជូនទៅសម្រាក់ព្យាបាលរបួសនៅមន្ទីរពេទ្យ” ។
ភ្លាមៗនោះ អនុរដ្ឋមន្ត្រីក្រសួងសង្គ្រោះបន្ទាន់លោក Etibar Mirzayev ទៅដល់កន្លែងកើតហេតុ។ក្រុមអ្នកជួយសង្គ្រោះបន្តធ្វើប្រតិបត្តិការស្វែងរកនៅក្នុងគំនរបាក់បែកដោយសារគេខ្លាចមានមនុស្សជាប់នៅក្នុងគំនរនោះ។អាជ្ញាធរបានបើកការស៊ើបអង្កេតដើម្បីកំណត់ពីមូលហេតុនៃហេតុការណ៍ផ្ទុះ។ ប្រតិបត្តិករហ្គាសដ៏ធំនៅក្នុងប្រទេសនេះលោក Azerigas អះអាងថា ពុំមានបណ្តាញហ្គាសដំណើរការនៅក្រោមផ្ទះនោះទេ៕
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី២៦ ខែមករា ឆ្នាំ២០២១
