ប្រតិបត្ដិការត្រូវបានអនុវត្តនៅក្នុងខេត្ត Mardin ដើម្បីធានាសុវត្ថិភាពរបស់ប្រជាជន ក្នុងការបង្រាបក្រុមភេរវករ PKK។
ប្រទេសតួកគីបានបើកប្រតិបត្តិការប្រឆាំងនឹងអង្គការភេរវករ PKK នៅភាគអាគ្នេយ៍ខេត្ត Mardin នេះបើយោងតាមសេចក្តីថ្លែងការណ៍មួយដែលបានចេញផ្សាយកាលពីល្ងាចថ្ងៃចន្ទនេះ។
ប្រតិបត្តិការនេះត្រូវបានអនុវត្តដើម្បីធានាសុវត្ថិភាព និងរក្សាទ្រព្យសម្បត្តិរបស់ប្រជាជនក្នុងការបង្រាបសមាជិកក្រុមភេរវករ និងបំផ្លាញទីជម្រក និងការលាក់ខ្លួនរបស់ក្រុមភេរវករនៅក្នុងស្រុកណ៊ូសាយប៊ីន នេះបើយោងតាមអភិបាលខេត្ត Mardin។
បំរាមគោចរក៏ត្រូវបានប្រកាសឱ្យប្រើប្រាស់ នៅក្នុងតំបន់ជនបទចំនួន ១៦ នៃណ៊ូសាយប៊ីន។ នៅក្នុងយុទ្ធនាការភេរវកម្មជាង ៣០ឆ្នាំប្រឆាំងនឹងប្រទេសតួកគី ក្រុមសកម្មប្រយុទ្ធ PKK ដែលត្រូវបានចុះបញ្ជីជាអង្គការភេរវករដោយប្រទេសតួកគី សហរដ្ឋអាមេរិក និងសហភាពអឺរ៉ុប បានទទួលខុសត្រូវចំពោះការស្លាប់មនុស្សចំនួន ៤០,០០០នាក់រួមមានស្ត្រីកុមារនិងទារកផងដែរ៕
ប្រែសម្រួល៖ ឱក សុវណ្ណារ័ត្ន
ប្រភពព័ត៌មាន Anadolu Agency ចុះផ្សាយថ្ងៃទី២៦ ខែមករា ឆ្នាំ២០២១
