អ្នកនាំពាក្យប៉ូលិសក្រុងកាប៊ុល លោក Ferdaus Faramarz មានប្រសាសន៍ថា នៅថ្ងៃអង្គារ ទី២៦ ខែមករា មានហេតុការណ៍ផ្ទុះមួយកើតឡើងកំណត់គោលដៅលើរថយន្តមួយនៅក្នុងទីក្រុងកាបុល។
លោក Faramarz ប្រាប់ភ្នាក់ងារព័ត៌មានថា៖ “ការផ្ទុះឆាបឆេះរថយន្តមួយគ្រឿងនៅតំបន់ Ada Ghazni ក្នុងស្រុក Police District ៥ នៅម៉ោង១១និង១៥នាទីម៉ោងក្នុងស្រុកដោយសម្លាប់មនុស្សម្នាក់នៅនឹងកន្លែង” ។
មន្ត្រីបញ្ជាក់ឲ្យដឹងថា មានការស៊ើបអង្កេតទៅលើឧប្បត្តិហេតុនេះ ដោយមិនបានផ្តល់ព័ត៌មានលម្អិតអ្វីផ្សេងទៀតនោះទេ។ គួរបញ្ជាក់ផងដែរថា នោះគឺជាការវាយប្រហារលើកទី២ទៅលើរថយន្តនៅក្នុងទីក្រុងកាប៊ុលគិតចាប់ពីថ្ងៃចន្ទមក។ ហេតុការណ៍ផ្ទុះនៅព្រឹកថ្ងៃចន្ទពុំបណ្តាលឲ្យមានអ្នករងរបួសទេ៕
ប្រែសម្រួល៖ Pouk Leakhena
ប្រភពព័ត៌មាន xinhuanet ចុះផ្សាយថ្ងៃទី២៦ ខែមករា ឆ្នាំ២០២១
