សេចក្តីថ្លែងការណ៍មួយរបស់កងទ័ពមានសេចក្តីថា នៅថ្ងៃព្រហស្បតិ៍ ទី២៨ ខែមករា សមាជិកសកម្មប្រយុទ្ធចំនួន៦នាក់ស្លាប់នៅពេលមានការប៉ះទង្គិចគ្នាកើតឡើងនៅក្នុងស្រុក Ailshing ភាគខាងកើតខេត្ត Laghman។
ប្រភពដដែលបញ្ជាក់ថា ការប៉ះទង្គិចគ្នានេះផ្ទុះឡើងក្រោយពីសមាជិកក្រុមសកម្មប្រយុទ្ធតាលីបង់មួយក្រុមបានធ្វើការវាយប្រហារទៅលើក្បួនរថយន្តដឹកទំនិញរបស់កងទ័ពនៅក្នុងតំបន់ Jabin នៅព្រឹកថ្ងៃព្រហស្បតិ៍ ហើយជាការឆ្លើយតបក្រុមទាហានបាញ់សម្លាប់សមាជិកក្រុមបះបោរចំនួន៦នាក់នៅនឹងកន្លែង និងចំនួន២នាក់ផ្សេងទៀតរងរបួស។
ប្រភពបន្តថា ក្រុមបះបោរបានរត់គេចខ្លួនក្រោយពីរងគ្រោះនិងបន្សល់ទុកសាកសពរបស់សមាជិកពួកគេចំនួន៦នាក់នោះ។ សេចក្តីថ្លែងការណ៍អះអាងថា ពុំមានបុគ្គលិកសន្តិសុខណាម្នាក់រងគ្រោះថ្នាក់ទេ។
គួរបញ្ជាក់ផងដែរថា សមាជិកក្រុមសកម្មប្រយុទ្ធតាលីបង់ ដែលមានសកម្មភាពនៅផ្នែកខ្លះនៅក្នុងខេត្ត Laghman និងខេត្ត Mehterlam ដោយខេត្តទាំងពីរមានចម្ងាយ ៩០ គីឡូម៉ែត្រខាងកើតទីក្រុង Kabul ពុំបានធ្វើការអត្ថាធិប្បាយអ្វីនោះទេ៕
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី២៨ខែមករា ឆ្នាំ២០២១
