នៅថ្ងៃព្រហស្បតិ៍ ទី២៨ ខែមករា នាយករដ្ឋមន្ត្រីអ៊ីរ៉ាក់លោក Mustafa al-Kadhimi ប្រកាសថា ប្រតិបត្តិការរបស់កងកម្លាំងអ៊ីរ៉ាក់ក្នុងប្រទេសអ៊ីរ៉ាក់ពិតជាបានសម្លាប់មេដឹកនាំជាន់ខ្ពស់របស់ឧទ្ទាមអ៊ីស្លាម។
លោក Al-Kadhimni ផុសលើបណ្តាញសង្គមធ្វីតធ័រថា លោក Abu Yasir al-Eisawi អនុប្រធាននៃមេដឹកនាំកំពូល និងជាមេដឹកនាំរបស់សមាជិកក្រុមសកម្មប្រយុទ្ធ IS នៅក្នុងប្រទេសអ៊ីរ៉ាក់ត្រូវកងកម្លាំងអ៊ីរ៉ាក់សម្លាប់ក្នុងប្រតិបត្តិការធ្វើឡើងដោយផ្អែកលើរបាយការណ៍ស៊ើបការណ៍។
លោក Al-Kadhimi ពុំបានផ្តល់ព័ត៌មានលម្អិតបន្ថែមពីទីតាំង និងពេលវេលានៃការធ្វើប្រតិបត្តិការនោះទេ។
គួររំលឹកផងដែរថា ប្រតិបត្ដិការដែលកំពុងដំណើរការនេះគឺជាផ្នែកមួយនៃកិច្ចប្រឹងប្រែងរបស់កងកម្លាំងសន្តិសុខប្រឆាំងនឹងកំណើនសកម្មភាពបំផ្ទុះអត្តឃាតរបស់សមាជិកក្រុមឧទ្ទាម IS នាពេលថ្មីៗនេះដោយមានទាំងការបំផ្ទុះគ្រាប់បែកអត្តឃាតនៅថ្ងៃទី២១ ខែមករា ឆ្នាំ២០២១សម្លាប់មនុស្សចំនួន៣២នាក់រងរបួស និងបណ្តាលឲ្យមនុស្សច្រើនជាងចំនួន១០០នាក់ផ្សេងទៀតរងរបួសនៅក្នុងទីក្រុងបាកដាដ។ ចំណែកឯការវាយប្រហារទៅលើទីបញ្ជាការ Hashd Shaabi នៅខេត្ត Hashd Shaabi នៅថ្ងៃទី២៣ ខែមករាសម្លាប់សមាជិកក្រុមឆ្មាំចំនួន១១នាក់ និងចំនួន១២នាក់ផ្សេងទៀតរងរបួស៕
ប្រែសម្រួល៖Pouk Leakhena
ប្រភពព័ត៌មាន Xinhua ចុះផ្សាយថ្ងៃទី២៩ ខែមករា ឆ្នាំ២០២១
