នៅថ្ងៃសុក្រ ទី២៩ ខែមករា មានហេតុការណ៍ប៉ះទង្គិចគ្នាកើតឡើងរវាងប្រជាជនប៉ាឡេស្ទីនជាមួយទាហានអ៊ីស្រាអែលបណ្តាលឲ្យប្រជាជនប៉ាឡេស្ទីនចំនួន៣នាក់រងរបួសនៅក្នុងតំបន់ West Bank។
យោងតាមប្រភពវេជ្ជសាស្ត្រ និងសាក្សីដែលឃើញហេតុការណ៍ដោយផ្ទាល់ភ្នែកបញ្ជាក់ឲ្យដឹងថា ទាហានអ៊ីស្រាអែលបំបែកក្រុមបាតុករដែលមានមនុស្សជាច្រើននាក់នៅភាគខាងជើងទីក្រុង Qalqilya ដោយប្រើកាំភ្លើង និងឧស្ម័នបង្ហូរទឹកភ្នែក។
ក្រសួងការបរទេសប៉ាឡេស្ទីនលើកឡើងនៅក្នុងសេចក្តីប្រកាសព័ត៌មានមួយថា ប្រទេសប៉ាឡេស្ទីនបានធ្វើការថ្កោលទោសចំពោះការបាញ់ប្រហារទៅលើក្រុមបាតុករដែលដង្ហែរក្បួនដោយសន្តិវិធី និងចំពោះការសម្រុកចូលផ្ទះប្រជាជននៅតាមទីប្រជុំជន និងភូមិប៉ាឡេស្ទីននៅក្នុងតំបន់ West Bank៕
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី៣០ ខែមករា ឆ្នាំ២០២១
