កងកម្លាំងសន្តិសុខប្រាប់ប្រព័ន្ធផ្សព្វផ្សាយថា នៅល្ងាចថ្ងៃសៅរ៍ ទី៣០ ខែមករា ឆ្នាំ២០២១សប្តាហ៍មុន មានខ្មាន់កាំភ្លើងមិនស្គាល់អត្តសញ្ញាណម្នាក់បាញ់សម្លាប់មន្ត្រីប្រឆាំងភេរវកម្មចំនួន១នាក់នៅភាគពាយព្យនៃប្រទេសប៉ាគីស្ថាន។
មន្ត្រីសន្តិសុខប៉ាគីស្ថានបញ្ជាក់ឲ្យដឹងថា ឃាតករមិនស្គាល់អត្តសញ្ញាណបានបាញ់ទៅលើបុគ្គលិករបស់នាយកដ្ឋានប្រឆាំងភេរវកម្ម(CTD)នៅខាងក្រៅពន្ធនាគារកណ្តាលនៅក្រុង Peshawar ក្នុងរដ្ឋធានី Khyber Pakhtunkhwa និងសម្លាប់មន្ត្រីត្រួតពិនិត្យរបស់អង្គភាព CTD ចំនួន១នាក់។ ចំណែកឯមន្ត្រី CTD ចំនួន១នាក់ផ្សេងទៀតបានរងរបួស និងត្រូវបញ្ចូនទៅសម្រាកព្យាបាលនៅមន្ទីពេទ្យ។
ពុំទាន់មានក្រុម ឬបុគ្គលណាមួយអះអាងទទួលខុសត្រូវចំពោះការវាយប្រហារនេះនៅឡើយទេ៕
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី៣១ ខែមករា ឆ្នាំ២០២១