យ៉ាងហោចណាស់ មានមនុស្ស ៧នាក់ស្លាប់ និង ១៧០នាក់បាត់ខ្លួនក្រោយហេតុការណ៍ផ្ទាំងទឹកកក Himalayan បាក់ធ្លាក់ចូលទៅក្នុងទន្លេ និងនាំមកនូវទឹកជំនន់នៅភាគខាងត្បូងប្រទេសឥណ្ឌា។
ទឹកជំនន់បានធ្វើឱ្យបាក់ទំនប់ និងនាំមកនូវទឹកយ៉ាងធំហូរកាត់ភូមិមួយនៅរដ្ឋ Uttarakhand។ ជន រងគ្រោះ ដែលបានបាត់ខ្លួនគឺជាកម្មករដែលធ្វើការនៅទំនប់វារីអគ្គិសនីក្នុងតំបន់នោះ។ កងទ័ព យោធា និងជំនួយការយោធាឧទ្ធម្ភាគចក្ររាប់រយ ត្រូវបានបញ្ជូនទៅទីតាំងកើតហេតុដើម្បីជួយសង្គ្រោះ។ អ្នកជំនាញកំពុងតែសង្កេតឧប្បត្តិហេតុ ទោះបីជាមិនទាន់ដឹងច្បាស់ពីមូលហេតុដែលនាំឱ្យផ្ទុះបាក់ផ្ទាំង ទឹកកកនៅឡើយ។
ប៉ូលិស Uttarakhand បានថ្លែងថា ផ្ទាំងទឹកកកនៅវេលាម៉ោង១១ ក្នុងស្រុក (05:30 GMT) កាលពីថ្ងៃ អាទិត្យ បានបំផ្លាញទំនប់វារីអគ្គិសនី Rishiganga Hydroelectric Project។ ប៉ូលិសបានបន្ថែមថា ហេតុការណ៍នេះ បណ្តាលឱ្យមានផលប៉ះពាល់ដល់គម្រោងវារីអគ្គិសនីផ្សេងទៀតនៅតាមដងទន្លេ Dhauli Ganga នៅក្នុងតំបន់ Tapova។
គ្រោះធម្មជាតិកាលពីថ្ងៃអាទិត្យនេះ ត្រូវបានក្រុមអ្នកបរិស្ថានអំពាវនាវឱ្យពិនិត្យឡើងវិញនូវគម្រោង វារីអគ្គិសនី ដែលបង្កឱ្យប៉ះពាល់ដល់ប្រព័ន្ធអេកូឡូស៊ីនៅតំបន់នោះ។ ប្រធានមជ្ឈមណ្ឌលអាវកាស បានប្រាប់ទៅភ្នាក់ងារសារព័ត៌មាន AFP ថា៖ “ការបាក់ផ្ទាំងទឹកកកជារឿងធម្មតា នៅក្នុងតំបន់អាងទឹក” ។ “ការបាក់ដីទំហំធំ តែងតែកើតឡើងជាញឹកញាប់” ។ លោកស្រី Uma Bharti អតីតរដ្ឋមន្ត្រីធនធានទឹក មានប្រសាសន៍ថា លោកស្រីបានបដិសេដចំពោះគម្រោងថាមពលនៅ Ganges នេះដែរ៕
ប្រភពព័ត៌មាន៖ ថ្ងៃទី៨ ខែកុម្ភៈ ឆ្នាំ២០២១
ប្រែសម្រួលដោយ៖ កញ្ញា
