សមាជិកសកម្មប្រយុទ្ធ Boko Haram ចំនួន១៩នាក់ ដែលរត់គេចខ្លួនត្រូវកម្លាំងយោធាយោធានីហ្សេរីយ៉ាសម្លាប់បាននៅភាគឥសានរដ្ឋ Borno។
ប្រភពដែលសុំមិនបញ្ចេញឈ្មោះប្រាប់ភ្នាក់ងារព័ត៌មានឲ្យដឹងថា រថយន្តដឹកកាំភ្លើងចំនួន៥គ្រឿងដែលជាកម្មសិទ្ធិរបស់សមាជិក Boko Haram ត្រូវកម្លាំងយោធាបំផ្លាញចោលក្នុងអំឡុងពេលប្រយុទ្ធគ្នាដោយប្រើកាំភ្លើងជាមួយសមាជិកសកម្មនៅក្នុងទីក្រុង Rann ដែលជាក្រុងមួយស្ថិតនៅក្នុងតំបន់រដ្ឋាភិបាល Kala Balge។
ប្រភពព័ត៌មានពីយោធាមួយបញ្ជាក់ឲ្យដឹងថា សមាជិកសកម្មប្រយុទ្ធ Boko Haram បើកបររថយន្ដដឹកកាំភ្លើង៨ដើមប៉ុនប៉ងធ្វើការវាយប្រហារលើមូលដ្ឋានយោធាមួយនៅក្នុងទីក្រុង Rann ដោយនោះត្រូវបានចាត់ទុកថាជាការវាយឆ្មក់។
ប្រភពដដែលបញ្ជាក់បន្ថែមថា ការវាយប្រហារនោះត្រូវកងកម្លាំងទ័ពបង្ក្រាបបាន ដែលនាំឲ្យសមាជិកសកម្មប្រយុទ្ធទាំងនោះរត់គេចចេញពីទីតាំងរបស់ពួកគេភ្លាម។ ប្រភពអះអាងថា យោធាបានបើកការវាយប្រហារតាមអាកាស និងលើដីយ៉ាងធំធេងដើម្បីប្រឆាំងនឹងសមាជិកភេរវករដែលបានភៀសខ្លួនចេញពីកន្លែងកើតហេតុ៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១១ ខែកុម្ភៈ ឆ្នាំ២០២១
