ប្រេសិតពិសេសរបស់អង្គការសហប្រជាជាតិ ស្តីពីមីយ៉ាន់ម៉ាធ្វើការព្រមានពីការកើនឡើងនូវអំពើហឹង្សានៅក្នុងប្រទេសនេះកាលពីថ្ងៃពុធ (១៧ កុម្ភៈ) ខណៈដែលក្រុមបាតុករប្រឆាំងរដ្ឋប្រហារត្រូវបានគេរំពឹងថានឹងប្រឈមមុខជាមួយយោធាម្តងទៀត។
ការព្រមាននេះធ្វើឡើងបន្ទាប់ពីលោកស្រី អ៊ុង សានស៊ូជី ត្រូវបានចោទប្រកាន់ជាលើកទី ២ កាលពីថ្ងៃអង្គារហើយអ្នករាយការណ៍របស់អង្គការសហប្រជាជាតិបានប្រាប់ថាលោកស្រីប្រហែលជាត្រូវបានកាត់ទោសដោយសម្ងាត់ថែមទៀត។ ក្រុមឃ្លាំមើលដែលមានមូលដ្ឋាននៅប្រទេសអង់គ្លេស NetBlocks បាននិយាយថាប្រទេសមីយ៉ាន់ម៉ាបានធ្លាក់ចូលក្នុងការផ្តាច់អ៊ីនធឺរណិតនៅយប់ទី ៣ នេះ។
ក្នុងរយៈពេលពីរសប្តាហ៍ចាប់តាំងពីយោធាបានបណ្តេញលោកស្រីអ៊ុងសានស៊ូជីចេញពីតំណែង និងដាក់លោកស្រីនៅក្រោមការឃុំឃាំងក្នុងផ្ទះនៅរដ្ឋធានី Naypyidaw ទីក្រុងធំៗ និងសហគមន៍ភូមិដាច់ស្រយាលក៏មានការបះបោរជាលក្ខណៈបើកចំហដែរ។
ប៉ុន្តែលោក Tom Andrews អ្នករាយការណ៍ពិសេសរបស់អង្គការសហប្រជាជាតិសម្រាប់ប្រទេសមីយ៉ាន់ម៉ាបាននិយាយថាលោកព្រួយបារម្ភថាស្ថានភាពនេះកំពុងស្ថិតក្នុងស្ថានភាពមិនអាចគ្រប់គ្រងបាន។ លោក Andrews បាននិយាយនៅក្នុងសេចក្តីថ្លែងការណ៍មួយថា “ខ្ញុំបារម្ភថាថ្ងៃពុធនេះនឹងមានអំពើហឹង្សាក្នុងទ្រង់ទ្រាយធំនៅក្នុងប្រទេសមីយ៉ាន់ម៉ាច្រើនជាងអ្វីដែលយើងបានឃើញចាប់តាំងពីការកាន់កាប់រដ្ឋាភិបាលខុសច្បាប់កាលពីថ្ងៃទី ១ ខែកុម្ភៈ” ៕
