គ្រាប់រ៉ុក្កែតចំនួន២គ្រាប់វាយប្រហារនៅតំបន់ Green Zone កណ្តាលរដ្ឋធានី Baghdad នៃប្រទេសអ៊ីរ៉ាក់នៅល្ងាចថ្ងៃចន្ទ ទី២២ ខែកម្ភៈ។
ការិយាល័យប្រព័ន្ធផ្សព្វផ្សាយនៃបញ្ជាការប្រតិបត្តិការចម្រុះអ៊ីរ៉ាក់លើកឡើងនៅក្នុងសេចក្តីថ្លែងការណ៍ខ្លីមួយថា គ្រាប់រ៉ុក្កែតទាំងពីរគ្រាប់ពុំបានបណ្តាលឱ្យមានគ្រោះថ្នាក់ដល់អាយុជីវិតឡើយ។
ប្រភពព័ត៌មានពីក្រសួងមហាផ្ទៃប្រាប់ភ្នាក់ងារព័ត៌មានថា សំឡេងស៊ីរ៉ែនលឺចេញពីស្ថានទូតសហរដ្ឋអាមេរិកដែលស្ថិតនៅក្នុងតំបន់នោះ។ យ៉ាងណាមិញ គេពុំទាន់ដឹងច្បាស់ពីចំនួនគ្រាប់រ៉ុក្កែតពិតប្រកដនោះទេ។
រហូតមកដល់ពេលនេះ ពុំទាន់មានក្រុមណាមួយចេញមុខអះអាងទទួលខុសត្រូវចំពោះការវាយប្រហារនេះនៅឡើយទេ។ គួរញ្ជាក់ផងដែរថា កងកម្លាំងយោធាមូលដ្ឋានបានបោះទីតាំងទ័ពអាមេរិកនៅទូទាំងប្រទេសអ៊ីរ៉ាក់ ហើយស្ថានទូតសហរដ្ឋអាមេរិកនៅទីក្រុងបាក ដាដគឺជាគោលដៅវាយប្រហារពីកាំភ្លើងធំ និងគ្រាប់រ៉ុក្កែតជាញឹកញាប់៕
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី២៣ ខែកុម្ភៈ ឆ្នាំ២០២១