ប្រភពសន្តិសុខនៅថ្ងៃពុធនេះបានរាយការណ៍ថាយន្តហោះចម្បាំងទួរគីបានបន្តទម្លាក់គ្រាប់បែកលើតំបន់ជាច្រើនក្នុងទីក្រុង Dohuk អស់រយៈពេលពីរថ្ងៃជាប់ៗគ្នា។
ប្រភពបាននិយាយថា យន្តហោះចម្បាំងរបស់ទួរគីបានទម្លាក់គ្រាប់បែកលើតំបន់ Bazri និងតំបន់ Barwari Bala ដែលជាតំបន់ភ្នំ Qandil ស្ថិតនៅតាមព្រំដែនរវាងប្រទេសអ៊ីរ៉ាក់ និងតួកគី។
ប្រភពបានប្រាប់ឱ្យដឹងទៀតថា យន្តហោះទាំងនោះក៏បានទម្លាក់គ្រាប់បែកទៅលើភូមិដទៃទៀតស្ថិតនៅក្នុងស្រុក Kani Masi ក្នុងតំបន់ Amadiyah ដែលបណ្តាលឲ្យពលរដ្ឋដែលជាកសិកររងរបួស និងមានអគ្គិភ័យដ៏ធំស្ថិតនៅក្នុងកសិដ្ឋានរបស់ពលរដ្ឋ។
គូសបញ្ជាក់ថា ការទម្លាក់គ្រាប់បែកដែលកំពុងបន្តនៅតាមកន្លែងជាច្រើនបង្កឱ្យមានការភិតភ័យនិងបណ្តាលឱ្យមានការផ្លាស់ទីលំនៅរបស់គ្រួសាររាប់សិបគ្រួសារទៅស្រុក Amadiyah និងស្រុក Kani Masi។
អ្នកប្រែសម្រួល៖ គល់ សេងហាក់
ប្រភពព័ត៌មានពី kurdiu ចេញផ្សាយថ្ងៃទី២៤ ខែកុម្ភៈ ឆ្នាំ២០២១
