ក្រុមប៉ូលិសបាននិយាយថា ផ្ទះប្រហែល៣០ខ្នងត្រូវបានជម្លៀសចេញ បន្ទាប់ពីមានគ្រាប់បែកដៃដែលគួរឱ្យសង្ស័យ ត្រូវបានគេរកឃើញនៅក្នុងផ្ទះមួយកន្លែង។
អ្នកជំនាញដោះគ្រាប់បែកពីក្រុម Explosive Ordnance Disposal ត្រូវបានគេបញ្ជូនទៅកាន់តំបន់ Raikes Parade នៅទីក្រុង Blackpool ។
ភ្លាមៗនោះផ្លូវត្រូវបានបិទ នៅចន្លោះផ្លូវ Leamington និងផ្លូវ Hornby ។
នៅក្នុងនោះបុរសម្នាក់ត្រូវបានចាប់ខ្លួនដោយសង្ស័យថា បានផលិតសារធាតុផ្ទុះដោយមានចេតនាធ្វើឱ្យគ្រោះថ្នាក់ដល់ជីវិត និងក្រោយមកត្រូវបានដោះលែងដោយគ្មានសកម្មភាពអ្វីផ្សេងទៀត។
ប៉ូលិសបាននិយាយថា បុរសវ័យ៤០ឆ្នាំមកពីទីក្រុង Blackpool ត្រូវបានដោះលែង បន្ទាប់ពីមានការត្រួតពិនិត្យឧបករណ៍។
សូមបញ្ជាក់ថារបាំងប៉ូលិសត្រូវបានដកចេញ និងអ្នកដែលជម្លៀសចេញអាចវិលត្រឡប់ទៅផ្ទះវិញបាន៕
ប្រែសម្រួល៖ ឱក សុវណ្ណារ័ត្ន
ប្រភពព័ត៌មាន BBC ចុះផ្សាយថ្ងៃទី២៥ ខែកុម្ភៈ ឆ្នាំ២០២១
