អង្គភាពសម្របសម្រួលស៊ីរី និងរុស្ស៊ីស្តីពីការវិលត្រឡប់របស់ប្រជាជនស៊ីរីដែលផ្លាស់ទីលំនៅបញ្ជាក់ថា សហរដ្ឋអាមេរិកកំពុងកេងចំណេញលើស្ថានភាពមនុស្សធម៌នៅក្នុងជំរំal-Rukban ដោយបានរឹបអូសយកជំនួយរបស់អង្គការសហប្រជាជាតិ។ ក្រោយមកសហរដ្ឋអាមេរិកបានប្រគល់ជំនួយទាំងនោះប្រគល់ទៅឲ្យក្រុមភេរវករ ក្រោយពីបានកែប្រជំរំនោះទៅជាជំរំសម្រាប់ហ្វឹកហាត់សមាជិកភេរវករ។
យោងតាមសេចក្តីថ្លែងការណ៍រួមបានឲ្យដឹងថា“សហរដ្ឋអាមេរិកសង្ឃឹមថា នឹងទទួលបានជំនួយដើម្បីគាំទ្រដល់ក្រុមភេរវករដែលធ្វើប្រតិបត្តិការនៅក្រោមបញ្ជារបស់ខ្លួននៅក្បែរជំរុំ al-Rukban ដោយជំរំនោះឥលូវនេះជាជំរំសហរដ្ឋអាមេរិកសម្រាប់បណ្តុះបណ្តាលភេរវករជ្រុលនិយម” ។
សេចក្តីថ្លែងការណ៍បញ្ជាក់ឲ្យដឹងថា សហរដ្ឋអាមេរិកបន្តរារាំងរាល់កិច្ចប្រឹងប្រែងដែលមានគោលបំណងបិទជំរំនោះ និងព្យាយាមរំដោះអ្នកជាប់ឃុំនៅក្នុងនោះ និងនាំពួកគេត្រឡប់ទៅតំបន់ដែលបានរំដោះចេញពីអំពើភេរវកម្ម។ កត្តានេះគឺជារារាំងការស្តារឡើងវិញនូវជីវិតសន្តិភាពនៅក្នុងប្រទេសស៊ីរី។
សេចក្តីថ្លែងការណ៍អះអាងថា ប្រទេសស៊ីរីត្រៀមខ្លួនរួចរាល់ក្នុងការទទួលពលរដ្ឋទាំងអស់ដែលស្ថិតក្រោមការកាន់កាប់ដោយសហរដ្ឋអាមេរិក និងទាហានស៊ីឈ្នួលរបស់ភេរវករនៅក្នុងជំរំ al-Rukban និងបានធានាផ្តល់សន្តិសុខដល់ពួកគេ និងផ្តល់នូវការរស់នៅសមរម្យដល់ពួកគេថែមទៀតផង។
ប្រជាជនស៊ីរីចំនួនរាប់ពាន់នាក់ដែលផ្លាស់ទីលំនៅដោយសារតែអំពើរភេរវកម្មរស់នៅក្នុងជំរំ al-Rukban បានរស់នៅស្ថិតក្រោមស្ថានភាពលំបាក និងកង្វះការថែទាំសុខភាព អាហារ និងទឹក នៅពេលពួកគេស្ថិតនៅក្រោមការកាប់របស់កម្លាំងសហរដ្ឋអាមេរិក និងទាហានស៊ីឈ្នួលរបស់អង្គភាពភេរវករនៅក្នុងតំបន់ al-Tanf ហើយកម្លាំងសហរដ្ឋអាមេរិកថែមទាំងរារាំងអ្នករស់នៅក្នុងជំរំនោះមិនឲ្យចាកចេញពីជំរំតាមរយៈច្រករបៀងមនុស្សធម៌ដែលភាគីស៊ីរី និងរុស្ស៊ីបានបើកចាប់តាំងពីឆ្នាំមុនមក៕
ប្រែសម្រួល៖ ប៉ោក លក្ខិណា
ប្រភពព័ត៌មាន SANA ចុះផ្សាយថ្ងៃទី០១ ខែមីនា ឆ្នាំ២០២១
