នៅថ្ងៃអង្គារ ទី២ ខែមីនា ឆ្នាំ២០២១ កម្លាំងចម្រុះដឹកនាំដោយអារ៉ាប៊ីសាអូឌីតជាប់ពាក់ព័ន្ធនឹងសង្គ្រាមនៅក្នុងប្រទេសយេម៉ែនបានស្ទាក់ចាប់យន្ដហោះដ្រូនផ្ទុកគ្រាប់បែកមួយគ្រឿងដែលក្រុមសកម្មប្រយុទ្ធHouthisបញ្ជាទៅតំបន់ភាគខាងត្បូងនៃប្រទេសអារ៉ាប៊ីសាអូឌីត។
ភ្នាក់ងារសារព័ត៌មានអារ៉ាប៊ីសាអូឌីតរាយការណ៍ថា លោក Turki Al-Malki អ្នកនាំពាក្យកម្លាំងចម្រុះចោទប្រកាន់លើក្រុមសកម្មប្រយុទ្ធ Houthi ថា បានប្រព្រឹត្តិបទឧក្រិដ្ឋសង្គ្រាម។លោកមានប្រសាសន៍ថា កម្លាំងចម្រុះនឹងបន្តចាត់នីតិវិធីប្រតិបត្តិចាំបាច់គ្រប់យ៉ាងទាំងអស់ស្របតាមច្បាប់អន្តរជាតិ។
គួររំលឹកផងដែរថា នៅថ្ងៃសៅរ៍ ទី២៧ ខែកុម្ភៈកងកម្លាំងចម្រុះក៏បានធ្វើការស្ទាក់ចាប់គ្រាប់មីស៊ីលដែលបាញ់ឆ្ពោះទៅទីក្រុងរីយ៉ាដ( Riyadh)ផងដែរ៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៣ ខែមីនា ឆ្នាំ២០២១
