ចំនួនករណីភេរវកម្មនៅផ្ទះអាមេរិកបានកើនឡើងយ៉ាងខ្លាំង ខណៈនាយក FBI ព្រមានថាការធ្វើកុបកម្មនៅរដ្ឋសភាកាលពីខែមករានេះ អាចជាការបំផុសគំនិតរបស់ក្រុមជ្រុលនិយម។
នាយក Christopher Wray បាននិយាយថា FBI បានស៊ើបអង្កេតភេរវកម្មនៅក្នុងស្រុក ប្រហែល ២,០០០ករណី ដែលកើនពី ១,៤០០ករណី នៅចុងឆ្នាំ២០២។
ជាមួយនេះការចាប់ខ្លួន “ក្រុមជ្រុលនិយមជំរុញដោយមានការរើសអើងជាតិសាសន៍” រួមទាំងអ្នកមានស្បែកស បានកើនឡើង៣ដងចាប់តាំងពីឆ្នាំ២០១៧មកម្លេះ។
នេះជាលើកដំបូង ដែលលោក Wray បានហៅការឡោមព័ទ្ធរដ្ឋសភា “ភេរវកម្មនៅក្នុងស្រុក” ។
ទន្ទឹមនេះការវាយប្រហារអាចជា “ការបំផុសគំនិតរបស់ក្រុមភេរវករជ្រុលនិយមមួយចំនួន” ដែលលោកបានប្រាប់សវនាការព្រឹទ្ធសភា កាលពីថ្ងៃអង្គារ។
គួរបញ្ជាក់ថាមនុស្សជាង ២៦០នាក់ត្រូវបានចាប់ខ្លួនពាក់ព័ន្ធនឹងការធ្វើកុបកម្មនៅរដ្ឋសភាសហរដ្ឋអាមេរិករហូតមកដល់បច្ចុប្បន្ននេះ៕
ប្រែសម្រួល៖ ឱក សុវណ្ណារ័ត្ន
ប្រភពព័ត៌មាន BBC ចុះផ្សាយថ្ងៃទី៣ ខែមីនា ឆ្នាំ២០២១
