ប្រទេសស៊ីរី៖ ប្រភពព័ត៌មានក្នុងតំបន់បានរាយការណ៍ថា ភាពវឹកវរ និងកុប្បកម្ម បានកើតឡើងនៅក្នុងពន្ធនាគារ អាឡាយ៉ា នៅទីក្រុងឃ្វាមម៉ីសលី ដែលស្ថិតនៅភាគឦសានខេត្ត
ហាសាកានៃប្រទេសស៊ីរី។
ពន្ធនាគារ អាឡាយ៉ា បានឃុំខ្លួនក្រុមភេរវករមកពីអង្គការភេរវករដែស្ហ (ISIS) និងស្ថិតក្រោមការគ្រប់គ្រងរបស់កងជីវពល QSD ដែលគាំទ្រដោយកងកម្លាំងអាមេរិក។
ប្រភពបន្ថែមថា សំឡេងបាញ់ប្រហារបានបន្លឺឡើងនៅខាងក្នុងពន្ធនាគារ ដែលជាហេតុនាំឱ្យ កងជីវពល QSD យកកម្លាំងចេញពីតំបន់ផ្សេងៗ និងបិទច្រកចូលទាំងអស់ដែលជាច្រកចូលពន្ធនាគារនោះ។
ប្រភពបានបញ្ជាក់ឱ្យដឹងថា កុប្បកម្មនេះបានកើតឡើងស្របពេលមានដំណើរទស្សនកិច្ចរបស់គណៈប្រតិភូចេញពីតំបន់គ្រប់គ្រងដោយអាមេរិកទៅកាន់ទីស្នាក់ការពន្ធនាគារ។
ប្រភពបានប្រាប់ឱ្យដឹងទៀតថា កងជីវពល QSD ថែមទាំងបានប្រកាសអាសន្ននៅក្នុងទីក្រុងហាសាកា ជាពិសេសនៅក្នុងសង្កាត់គ្វ័រ៉េន ដែលជាទីតាំងរបស់ពន្ធនាគារកណ្តាល គ្វ័រ៉េន និងពន្ធនាគារ អ៊ិនដាស់ស្ត្រៀល សេកខេនដារ៉ី ដែលឃុំឃាំងក្រុមភេរវករដែស្ហ (Daesh) រាប់ពាន់នាក់។
កងជីវពលបានបិទច្រកចូលទាំងអស់ និងបានបង្កើនកម្លាំងល្បាតតាមផ្លូវចូលសង្កាត់ និងចាប់ផ្ដើមត្រួតពិនិត្យយានយន្ត និងមនុស្សទាំងអស់។
កងជីវពល QSD ក្រោមជំនួយរបស់អង្គការសហប្រជាជាតិ បានឃុំខ្លួនក្រុមភេរវករដែស្ហ (Daesh) និងក្រុមភេរវករដែលមានសញ្ជាតិផ្សេងៗគ្នា នៅក្នុងពន្ធនាគារនៃខេត្តហាសាកា ហើយប្រើពួកគេជាការគំរាមយកប្រយោជន៍ និងការដាក់សម្ពាធ៕
ប្រភពព័ត៌មានសាណា ចុះផ្សាយថ្ងៃទី០៦ ខែមីនា ឆ្នាំ២០២៣