ប្រទេសភូមា៖ យោងតាមក្រុមព័ត៌មាននៃក្រុមប្រឹក្សារដ្ឋបាលភូមាបានរាយការណ៍ថា កាលពីថ្ងៃអង្គារ បុរសម្នាក់ត្រូវបានសម្លាប់ និង ១៩នាក់ផ្សេងទៀតរងរបួសក្នុងហេតុការណ៍ផ្ទុះគ្រាប់មីននៅភាគខាងលិចតំបន់សាហ្គាងនៃប្រទេសភូមា។
នៅក្នុងរបាយការណ៍ដដែលមានបន្ថែមខ្លឹមសារថា គ្រាប់មីនបានផ្ទុះនៅម៉ោងប្រមាណជា៩ និង៣០នាទីព្រឹកម៉ោងក្នុងតំបន់ នៅក្បែរចំណតរថយន្តក្រុងស្វេបូ ក្នុងតំបន់តំបន់សាហ្គាង។ អ្នករងរបួសមានប្រុស១១នាក់ ក្នុងនោះមានក្មេង២នាក់ និងស្ត្រី ៨នាក់។ ជនរងគ្រោះគឺជាអ្នកដើរកាត់ទីតាំងនោះដោយថ្មើរជើង កំពុងជិះក្នុងរថយន្ត ឬកំពុងជិះម៉ូតូ នៅពេលដែលគ្រាប់មីនបានផ្ទុះឡើង។
យោងតាមប្រភពអង្គការសង្គ្រោះភូមានប្រចាំក្រុងស្វេបូបានប្រាប់ឱ្យដឹងថា ជនរងគ្រោះត្រូវបានបញ្ជូនទៅកាន់មន្ទីពេទ្យស្វេបូ និងមួយចំនួនផ្សេងទៀតត្រូវបានបញ្ជូនទៅកាន់មន្ទីពេទ្យម៉េនដាឡេ។
មន្ត្រីប៉ូលិសម្នាក់បាននិយាយថា កាលពីថ្ងៃអង្គារ មានហេតុការណ៍ផ្ទុះមីនស្រដៀងគ្នាដែលបណ្តាលឱ្យមានមនុស្សរបួស បានកើតឡើងនៅស្រុកមែងហ្កាននៃតំបន់ម៉ាដាឡេ និងស្រុកថាមវី នៃតំបន់ហ៉េនហ្គន៕
ប្រភពព័ត៌មាន Xinhua ចុះផ្សាយថ្ងៃទី២៨ ខែមីនា ឆ្នាំ២០២៣