ប្រទេសស៊ីរី៖ គ្រឿងផ្ទុះកែច្នៃបានផ្ទុះឡើងកាលពីល្ងាចថ្ងៃអាទិត្យក្នុងរថយន្តរបស់ជនស៊ីវិលនៅតំបន់មេសហ្សេសក្នុងទីក្រុងដាម៉ាស់ ដោយពុំបណ្តាលឱ្យមនុស្សរងរបួស។
តាមប្រភពពីទីបញ្ជាការប៉ូលិសក្រុងដាម៉ាស់បានប្រាប់អ្នកយកព័ត៌មានថា គ្រឿងផ្ទុះកែច្នៃ បានផ្ទុះនៅក្នុងរថយន្តរបស់ជនស៊ីវិលដែលចតនៅភាគខាងកើតតំបន់មេសហ្សេស ដែលបង្កឱ្យឆាបឆេះ និងរាលដាលដល់រថយន្ត២គ្រឿងនៅក្បែរនោះ ។
ប្រភពដដែលបានបន្ថែមថា មានការខូចខាតសម្ភារៈមួយចំនួនប៉ុណ្ណោះ ពុំមានសេចក្តីរាយការណ៍ណាមួយអំពីអ្នករងរបួសនោះទេ៕
ប្រភពព័ត៌មាន SANA ចុះផ្សាយថ្ងៃទី៣ ខែមីនា ឆ្នាំ២០២៣
