ប្រទេសស៊ីរី៖ សមត្ថកិច្ច ខេត្តដារ៉ាបាន កម្ចាត់មេដឹកនាំដ៏គ្រោះ ថ្នាក់បំផុត ២នាក់របស់អង្គ ការ ភេរវកម្មដែស្ហរដ្ឋអ៊ីស្លាម (Daesh ISIS) ដែលជា ឃាតករ បង្កប់ឧបករណ៍បំផ្ទុះ និងវាយប្រហារម្តងហើយម្តងទៀតទៅលើជនស៊ីវិល និងបុគ្គលិក យោធា នៅក្នុងខេត្តដារ៉ា។
កម្លាំងសន្តិសុខប្រាប់អ្នកយកព័ត៌មានថា“តាមរយៈការតាមដានយ៉ាងយកចិត្តទុកដាក់ និងបន្តតាមចាប់ក្រុមភេរវករ រដ្ឋអ៊ីស្លាម ISIS មេដឹកនាំដ៏គ្រោះថ្នាក់បំផុត២នាក់របស់អង្គការភេរវកម្មដែលមានឈ្មោះ ហេសាន អាល់ហៃ និង ណាប៊ីល អាល់ អាប់ដូឡាស់ ត្រូវ បាន បាញ់សម្លាប់។ ភេរវករទាំង ២នាក់ធ្លាប់បានធ្វើឃាត បង្កប់គ្រឿងផ្ទុះ និង វាយប្រហារម្តងហើយម្តងទៀតទៅលើជនស៊ីវិល និងបុគ្គលិកយោធានៅក្នុងខេត្តដារ៉ា។”
ប្រភពចង្អុលបង្ហាញថា ក្រុមភេរវករទាំង២នាក់ ត្រូវបានគេកំណត់គោលដៅ និងកម្ចាត់ចេញដោយផ្ទាល់បន្ទាប់ពីឃ្លាំមើល និង តាមដាន សកម្មភាព របស់ពួកគេ ក្នុងពេលដែលអ្នកទាំង២នេះព្យាយាមត្រួតពិនិត្យទីតាំងយោធាមួយចំនួនដោយ បាន ប្រើប្រាស់រថយន្តកសិកម្មដែលពួកគេលួចបានដើម្បីបន្លំភ្នែក នៅតំបន់វាលទំនាបស្ថិតនៅចន្លោះទីក្រុងថាហ្វាស់ និងទីក្រុង អាតម៉េន ក្នុងខេត្តដារ៉ា។
ប្រភពបន្ថែមឱ្យដឹងថា អាវុធដែលក្រុមភេរវករកាន់កាប់ត្រូវបានរឹបអូស ខណៈដែលអាវុធមួយចំនួនគឺផលិត ដោយ ប្រទេស អ៊ីស្រាអែល និងអាវុធទាំងនោះរួមមាន កាំភ្លើងស្វ័យប្រវត្តិ កាំភ្លើងខ្លីយោធា និងកាំភ្លើងយន្តសូណូប៊ល។ អត្តសញ្ញាណ របស់ ក្រុមភេរវករ ត្រូវបានកំណត់ក្នុង នោះមានដូចជា លោក ណាប៊ីល អាល់ អាប់ដូឡាស់ មកពីភូមិ អាល់ សូហាយ លីយ៉ា និងលោក ហេសាន អាល់ហៃ មកពីទីក្រុងទីក្រុងថាហ្វាស់ ខេត្តដារ៉ា។
ប្រភពដដែលបានបញ្ជាក់ បន្ថែមទៀតថា អង្គភាពនៃកងទ័ព អារ៉ាប់ស៊ីរី និងអាជ្ញាធរមានសមត្ថ កិច្ចកំពុងបន្តកិច្ចខិត ខំ ប្រឹងប្រែង ដើម្បីលុបបំបាត់ភាពវឹកវរគ្រប់ទម្រង់ និងអំពើភេរវកម្មនៅក្នុងខេត្តដារ៉ា៕
ប្រភពព័ត៌មានសាណាចុះផ្សាយឡើងវិញថ្ងៃទី១០ ខែឧសភា ឆ្នាំ២០២៣
