ប្រទេស កាមេរូន៖ អ្នកស្រុក និងប្រភពសន្តិសុខ បានប្រាប់ឱ្យ ដឹងកាលពីថ្ងៃចន្ទថា យ៉ាងហោចណាស់ សមាជិកក្រុម សកម្ម ប្រយុទ្ធ បូកូហារ៉ាម ២នាក់ត្រូវ បាន សម្លាប់នៅ ពេលដែល ពួកគេបាន បើកការវាយ ប្រហារ ប្រឆាំង នឹង សហគមន៍ ជនស៊ីវិល និងយោធា នៅតំបន់ហ្វាណ័ស នៃប្រទេសកាមេរូន។
ការវាយប្រហារបានកើតឡើងកាលពីល្ងាចថ្ងៃអាទិត្យនៅក្នុងតំបន់មូហ្សូហ្កូ។
មន្ត្រីយោធាក្នុងតំបន់បាននិយាយថា ក្រុមសកម្ម ប្រយុទ្ធប្រដាប់ ដោយអាវុធធន់ ធ្ងន់បាន វាយប្រហារទៅ លើមូល ដ្ឋាន ជួរ មុខជា ច្រើនក្នុងអំឡុង ពេលនៃការប្រយុទ្ធ គ្នាពេញមួយយប់ ប៉ុន្តែ ក្រោយមក ទាហានបានបង្ក្រាប ការវាយប្រហារ នោះ ដោយ បានសម្លាប់សមាជិកក្រុមសកម្មប្រយុទ្ធ២នាក់ និងយកសាកសពទៅចោលនៅទីសាធារណៈ។
មន្ត្រីម្នាក់ ដែលសុំមិន បញ្ចេញឈ្មោះ បាន និយាយថា “ក្រុមសកម្ម ប្រយុទ្ធ ជាច្រើន នាក់រង របួស។ តែជា អកុសល កម្លាំង ប្រដាប់អាវុធ ក្នុងតំបន់ ម្នាក់ក៏ ត្រូវបានសម្លាប់ផង ដែរក្នុងអំឡុង ពេលប្រយុទ្ធគ្នា។ យើង កំពុងស្វែងរក អ្នក របួស ដោយ គ្រាប់កាំ ភ្លើងដែល កំពុងរត់ គេចខ្លួន” ។
របាយការណ៍ សន្តិសុខ និងអង្គការ មិនមែនរដ្ឋាភិបាល ក្នុងស្រុក បានបញ្ជាក់ឱ្យដឹងថា ក្រុម សកម្មប្រយុទ្ធ បូកូហារ៉ាមបានសម្លាប់ មនុស្សមិនតិចជាង ២,០០០នាក់ ចាប់តាំងពីពួកគេ បានបើកការវាយ ប្រហារនៅក្នុង តំបន់តាំងពីឆ្នាំ២០០៤៕
ប្រភពព័ត៌មាន Xinhua ចុះផ្សាយថ្ងៃទី២៣ ខែឧសភា ឆ្នាំ២០២៣
