ប្រទេសសូម៉ាលី៖រដ្ឋាភិបាលប្រទេសសូម៉ាលីបាននិយាយថាកងទ័ពជាតិសូម៉ាលីបាននិយាយថាកាលពីថ្ងៃអង្គារកងទ័ពជាតិបានសម្លាប់ក្រុមសកម្មប្រយុទ្ធអាល់ស្ហារបាប ៣០នាក់ និងដណ្តើមបានមកវិញនូវរទេះចម្បាំង ៣គ្រឿង បន្ទាប់ពីមានការវាយប្រហារទៅលើមូលដ្ឋានយោធាក្នុងទីក្រុងម៉ាសាហ្កាវ៉េ នៅភាគកណ្តាលប្រទេសសូម៉ាលី។
មន្ត្រីក្រសួងព័ត៌មានវប្បធម៌និងទេសចរណ៍បាននិយាយថាកងទ័ពជាតិមានរបាយការណ៍ចារកម្មជុំវិញចលនារបស់ក្រុមសកម្មប្រយុទ្ធ និងបានត្រៀមខ្លួនដើម្បីរារាំងការវាយប្រហារនៅព្រឹកថ្ងៃអង្គារ។
មន្ត្រីក្រសួងបាននិយាយក្នុងសេចក្តីថ្លែងការណ៍នៅទីក្រុងម៉ូហ្កាឌីស្យុថា “កងទ័ពជាតិសូម៉ាលីបានបង្ក្រាបការវាយប្រហារ និងបានបំបែកកម្លាំងរបស់ក្រុមសកម្មប្រយុទ្ធដែលធ្លាប់វាយប្រហារលើមូលដ្ឋានទ័ពជាតិសូម៉ាលី។ កងទ័ពជាតិសូម៉ាលី ៣នាក់រងរបួសក្នុងអំឡុងពេលប្រតិបត្តិការ ”។
សេចក្តីថ្លែងការណ៍ដដែលមានខ្លឹមសារបន្ថែមថាកងទ័ពជាតិដែលគាំទ្រដោយកម្លាំងដៃគូអន្តរជាតិបានបង្កឱ្យក្រុមសកម្មប្រយុទ្ធជាច្រើននាក់រងរបួសក្នុងអំឡុងពេលប្រតិបត្តិការ។
ក្រុមសកម្មប្រយុទ្ធអាល់ស្ហាបាបបានអះអាងថាបានសម្លាប់កងទ័ពជាតិ៧៣នាក់នៅក្នុងការវាយប្រហារមួយទៅលើមូលដ្ឋានទ័ពជាតិសូម៉ាលី និងបន្តវាយប្រហារនៅក្បែរតំបន់ដដែលកាលពីព្រឹកថ្ងៃអង្គារ។
គួរបញ្ជាក់ផងដែរថាការវាយប្រហារចុងក្រោយបានកើតឡើងបន្ទាប់ពីក្រុមសកម្មប្រយុទ្ធអាល់ស្ហាបាបបានវាយឆ្មក់លើមូលដ្ឋានបេសកកម្មផ្លាស់ប្តូរសហភាពអាហ្រ្វិកនៅប្រទេស
សូម៉ាលី ដែលហៅកាត់ថា (ATMIS) ក្នុងតំបន់ បូឡូ ម៉ារ័រ កាលពីសប្តាហ៍មុន ដោយបានសម្លាប់ទាហានមួយចំនួន។ កម្លាំងរដ្ឋាភិបាលបានបង្កើនប្រតិបត្តិការប្រឆាំងនឹងក្រុមសកម្មប្រយុទ្ធ អាល់ស្ហាបាប នៅតំបន់ភាកខាងត្បូង ប៉ុន្តែក្រុមសកម្មប្រយុទ្ធនៅតែបន្តគ្រប់គ្រងលើតំបន់ជនបទមួយចំនួន និងបន្តវាយប្រហារ និងបង្កប់គ្រាប់មីន៕
ប្រភពព័ត៌មាន Xinhua ចុះផ្សាយថ្ងៃទី៣១ ខែឧសភា ឆ្នាំ២០២៣
