ប្រទេសប៉ាគីស្ថាន៖ មន្ត្រីប៉ូលិសបាននិយាយកាលពីថ្ងៃព្រហស្បតិ៍ថា យ៉ាងហោចណាស់មនុស្ស ៦នាក់ត្រូវបានសម្លាប់ និង ២នាក់ផ្សេងទៀតរងរបួសក្នុងហេតុការណ៍ផ្ទុះនៅក្នុងស្រុក កុត អាដឌូ។ ស្រុក កុត អាដឌូ គឺជាស្រុកមួយស្ថិតនៅ ភាគខាងកើតខេត្តផុនចាប។
លោក មូចាហ៊ីដ ហូសេន អធិការរងនគរបាលស្រុកបានប្រាប់អ្នកយកព័ត៌មានថាហេតុការណ៍ផ្ទុះបានកើតឡើងនៅពេល ដែលសមាជិកក្នុងគ្រួសារជនរងគ្រោះកំពុងរវល់រៀបចំសំណល់ដែកអេតចាយនិងសំណល់ផ្សេងៗក្នុងផ្ទះរបស់ពួកគេនៅតំបន់ដារ៉ា ឌីន ផេនណា។ លោកបន្ថែមថា ស្ត្រី និងកុមារ គឺស្ថិតនៅក្នុងចំណោមជនរងគ្រោះ។
លោកបាននិយាយថា មូលហេតុនិងដំណើរការផ្ទុះត្រូវបានកំណត់ដោយភ្នាក់ងារអនុវត្តច្បាប់។
បើតាមរបាយការណ៍ស៊ើបអង្កេតបឋមបានដឹងថាវត្ថុមិនស្គាល់មួយចំនួននៅក្នុងសំណល់ដែកអេតចាយបានបង្កឱ្យមានការផ្ទុះឡើង។
បន្ទាប់ពីទទួលបានព័ត៌មានភ្លាមៗ ប៉ូលិសនិងក្រុមសង្គ្រោះបានទៅដល់កន្លែងកើតហេតុ និងបានបញ្ជូនអ្នករបួសទៅមន្ទីរពេទ្យក្បែរនោះ ។
ក្រោយពីទទួលបានដំណឹងនេះ លោក មូហស៊ីន ណាកវី រដ្ឋមន្ដ្រីប្រចាំការខេត្តផុនចាបបានសម្តែង ភាពសោកសៅចំពោះការបាត់បង់ជីវិតដែលជាសោកនាដកម្មមួយ និងបានណែនាំដល់អាជ្ញាធរពាក់ព័ន្ធឲ្យធ្វើរបាយការណ៍លម្អិតអំពីបញ្ហានេះ៕
ប្រភពព័ត៌មាន Xinhua ចុះផ្សាយថ្ងៃទី០១ ខែមិថុនា ឆ្នាំ២០២៣
